Actualitats
Los ensenhaires de l’estat francés deuràn “transmetre las valors de la Republica o quitar lo mestièr”
Blanquer presentèt dimars un plan de formacion sus quatre ans a la laïcitat e a las valors de la Republica francesa per totes los personals de l’educacion publica
Tèxte legit
Los personals de l’educacion publica francesa, dicha “nacionala”, deuràn desenant seguir una formacion sus quatre ans a la laïcitat e a las valors de la Republica francesa. Lo ministre de l’educacion francés, Jean-Michel Blanquer, presentèt aquel plan dimars passat en assolidant que la tòca principala dels ensenhaires es mai d’endoctrinar que d’ensenhar. Los ensenhaires de l’estat devon “aderir a las valors de la Republica e las transmetre”, o senon “sortir d’aquel mestièr”, çò assegurèt.
S’aquò èra “pas pro clar dins lo passat —çò afirmèt— “aquò va èsser desenant fòrça clar dins lo present e dins l’avenir” per mejan de la formacion que lo ministre presentèt. Son discors foguèt categoric e ne soslinham qualques frasas:
S’aquò èra “pas pro clar dins lo passat —çò afirmèt— “aquò va èsser desenant fòrça clar dins lo present e dins l’avenir” per mejan de la formacion que lo ministre presentèt. Son discors foguèt categoric e ne soslinham qualques frasas:
“Se qualqu’un a un problèma amb las valors de la Republica, aquò pòt èsser possible sul plan democratic, coma ciutadan francés, per contra aquò es pas possible coma foncionari de la Republica”.
“Benlèu soi pas estat pro clar: se volètz venir plombièr e avètz un problèma amb los canèls, causissètz un autre mestièr. Ne cal far un autre. Se venètz professor, transmetètz las valors de la Republica. E se las transmetètz pas e se quitament militatz contra las valors de la Republica, eventualament sortissètz d’aquel mestièr, perque vos sètz enganats a un moment donat”.
“Quand venes professor, venes foncionari. Quand sès foncionari de la Republica, coneisses las valors de la Republica e las transmetes”.
“Benlèu soi pas estat pro clar: se volètz venir plombièr e avètz un problèma amb los canèls, causissètz un autre mestièr. Ne cal far un autre. Se venètz professor, transmetètz las valors de la Republica. E se las transmetètz pas e se quitament militatz contra las valors de la Republica, eventualament sortissètz d’aquel mestièr, perque vos sètz enganats a un moment donat”.
“Quand venes professor, venes foncionari. Quand sès foncionari de la Republica, coneisses las valors de la Republica e las transmetes”.
"Transmettre les valeurs de la République" ou quitter l'enseignement: le message de Blanquer aux profshttps://t.co/ysxz2EJ9U6pic.twitter.com/LUlUWDyRUf
— BFMTV (@BFMTV) October 19, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mès luènh,
havem d'anar mès luènh,
dels arbres caiguts
qu'ara nos encadenan.
E quan aurem arribat
avem de procurar
no aturar nos
Mès luènh
avem d'anar mès luènh !
Lluís Llac
Diga Blanquèr! Quand lo prumièr ministre fa l'apologia de la crestientat e del "ligam filial" que França auria ambe aquesta religion, es totjorn plan laïc? Quand tu dubrisses d'escòlas confessionalas, es totjorn plan laïc? Deuriatz pas cambiar de mestièr?
#10 De Gaule — mièlhs val dire "la Resisténcia" — a combatut l'ultradreita que s'èra apoderada d'Euròpa, notadament los petainistas. Zemour es l'ultradreita. Seriá temps de quitar de nos préner per d'ases…
#10 Lo Zemmour qu'ei un gaullista vertadièr? E jo que soi la reina d'Anglaterra.
#10 Òooo lo bèl especimène de faissista que vaqui!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari