Una femna es estada victima de viòl e degun i a pas reagit. La scèna se debanèt dins lo vagon d’un tren, al ras de Filadèlfia (Pensilvània). L’agression durèt uèch minutas sens que degun intervenguèsse, çò rapòrtan The New York Times e The Independent. Als environs de 10 oras del ser, lo suspècte s’assetèt a costat de la victima. Puèi temptèt de la tocar mai d’un còp e comencèt de li tirar los vestits. “Soi consternat que cap d’aquelas personas faguèsse pas qué que foguèsse per ajudar aquela femna”, çò planh lo comissari de polícia d’Upper en Pensilvània. Segon sa dicha, d’enquistaires aurián obtengut d’informacions segon las qualas certans passatgièrs aurián filmat la scèna, mas aquò es pas confirmat.
 
Lo policièr diguèt qu’un dotzenat de viatjaires èran presents e qu’aurián pogut far quicòm totes ensems. Un emplegat del tren, fin finala, compausèt lo 911, lo numèro d’urgéncia, e aital poguèron interpelar lo suspècte e l’inculpar per viòl e agression sexuala. La victima es estada transportada a l’espital.
 
 
 

Not only did this man tear off her clothes on public transport after she rejected his advances, but the bystanders did nothing to help her and instead recorded her rape on their phones. This is the obvious convergence of porn and rape culture. https://t.co/rDIDCNzxAp

— Women's Voices (@WomenReadWomen) October 20, 2021

 

Commuters held up phones as woman was raped on train, Philadelphia police sayhttps://t.co/z9IaJJ6o2H

— CBS4 Indy (@CBS4Indy) October 21, 2021