S’an començat las vacanças de tardor dins la màger part d’Occitània e dins lo rèsta de l’estat francés, lo personal del licèu Gustau Jaume, en Tricastin, las a benlèu esperadas mai que los autres. La setmana passada, d’efièch, s’agarriguèt un professor e se trobèt de grafitis que menaçavan de decapitacion totes los ensenhaires.
 
Tot comencèt diluns 18 d’octòbre, dins l’après-dinnar: un individú encagolat se roncèt dins una sala de classa e bandiguèt una cadièra contra lo professor, que la poguèt evitar, abans de fugir.  Per protestar, sos collègas del licèu arrestèron de trabalhar, en vertut del drech de retirament, fins a dimars de matin. Se sap pas se l’assalhidor èra un licean o una persona exteriora a l’establiment.
 
Tres jorns mai tard, dijòus 21 d’octòbre, s’escriguèt de graffitis menaçants sus una pòrta dels comuns del restaurant escolar: "Bica leis islamofòbs. Totei lei professors vos decapitarai. Çò que veses aquí sus la paret non es que lo començament d'una guèrra", çò disián abans d'èsser escafats.
 
Per cada afar lo provisor a fach sa denóncia oficiala. Segon Le Dauphiné libéré, los escolans del licèu planhon "un clima tendu e una abséncia de seguretat ais intradas".
 
 
 
 

Drôme : plusieurs inscriptions proférant des menaces envers les profs découvertes au lycée Jaume à Pierrelatte, le proviseur a porté plaintehttps://t.co/cD0SpgvOdApic.twitter.com/5820YeOgMo

— franceinfo (@franceinfo) October 22, 2021