Actualitats
Tolosa: an ensajat de transportar de còlis e de mèrças sul Canal del Miègjorn
L’idèa de Vias Navigablas de France (VNF) es de tornar endraiar lo transpòrt per batèl: matèrias pels talhièrs, mèrças, còlis…
Tèxte legit
A l’iniciativa de Vias Navigablas de França (VNF), gestionari del Canal del Miègjorn, tres entrepresas an ensajat de transportar de mèrças sus l’aiga a Tolosa. L’objectiu es de poder relançar rapidament aquela mena de transpòrt a una escala mai larga, çò rapòrta La Dépêche.
Se lo Canal del Miègjorn travèrsa lo còr de vila de la Ciutat Mondina, alara perqué ne far pas una vertadièra draia de transpòrt? L’idèa de Vias Navigablas de França (VNF) es de tornar endraiar lo transpòrt per batèl: matèrias pels talhièrs, mèrças, còlis… Desrevelhar lo canal, que s’èra qualque pauc endormit, es en mai d’aquò contribuir a la lucha contra la pollucion atmosferica, çò ditz lo gestionari del canal.
Una barcassa de 120 tonas es l’equivalent de sièis semiremòrcas, o de 25 camionetas, en mens sul periferic o per las carrièras de Tolosa. Lo canal que se fa jónher naturalament la zòna logistica de Lalanda-Fondeire e lo còr de vila, en evitant los engorgaments. Navigar sul canal, es tanben tota una organizacion de metre en plaça: cais de descargament, estocatge de las mèrças, coordinacion.
VNF a provat qu’aquò èra possible, gràcias a la collaboracion de tres entrepresas tolosanas e d’un finançament estatal d’ajuda al repòrt modal (passatge a un mòde de transpòrt mai ecologic). Un ensag es estat menat a bon tèrme: una barcassa partida de Lalanda, sul canal lateral al nòrd de Tolosa, cargada amb de caissas remesas per de liuraires a bicicleta, es arribada en mens de 2 oras al pòrt Sant Salvador en plen centre de Tolosa. Après lo passatge de tres esclausas e un viatge a 8km/h, velocitat maximala autorizada, d’autres liuraires an pogut recuperar los paquets e acabar de los distribuir.
Per ara, doas entrepresas de collècta de curum e una de liurason son interessadas per utilizar prioritàriament aquel mejan de transpòrt.
Per que lo sistèma siá duradís, caldriá que d’autras entrepresas s’impliquèssen, çò declara lo director adjonch de VNF, qu’espèra que las grandas entrepresas caps de projèctes utilizaràn lo transpòrt sus l’aiga per far venir los materials de construccion, dins l’encastre de la bastison d’una 3a linha de mètro o pel projècte de LGV Bordèu-Tolosa.
VNF a lançat una crida e las entrepresas interessadas an fins als darrièrs jorns d’octòbre per i respondre.
Se lo Canal del Miègjorn travèrsa lo còr de vila de la Ciutat Mondina, alara perqué ne far pas una vertadièra draia de transpòrt? L’idèa de Vias Navigablas de França (VNF) es de tornar endraiar lo transpòrt per batèl: matèrias pels talhièrs, mèrças, còlis… Desrevelhar lo canal, que s’èra qualque pauc endormit, es en mai d’aquò contribuir a la lucha contra la pollucion atmosferica, çò ditz lo gestionari del canal.
Una barcassa de 120 tonas es l’equivalent de sièis semiremòrcas, o de 25 camionetas, en mens sul periferic o per las carrièras de Tolosa. Lo canal que se fa jónher naturalament la zòna logistica de Lalanda-Fondeire e lo còr de vila, en evitant los engorgaments. Navigar sul canal, es tanben tota una organizacion de metre en plaça: cais de descargament, estocatge de las mèrças, coordinacion.
VNF a provat qu’aquò èra possible, gràcias a la collaboracion de tres entrepresas tolosanas e d’un finançament estatal d’ajuda al repòrt modal (passatge a un mòde de transpòrt mai ecologic). Un ensag es estat menat a bon tèrme: una barcassa partida de Lalanda, sul canal lateral al nòrd de Tolosa, cargada amb de caissas remesas per de liuraires a bicicleta, es arribada en mens de 2 oras al pòrt Sant Salvador en plen centre de Tolosa. Après lo passatge de tres esclausas e un viatge a 8km/h, velocitat maximala autorizada, d’autres liuraires an pogut recuperar los paquets e acabar de los distribuir.
Per ara, doas entrepresas de collècta de curum e una de liurason son interessadas per utilizar prioritàriament aquel mejan de transpòrt.
Per que lo sistèma siá duradís, caldriá que d’autras entrepresas s’impliquèssen, çò declara lo director adjonch de VNF, qu’espèra que las grandas entrepresas caps de projèctes utilizaràn lo transpòrt sus l’aiga per far venir los materials de construccion, dins l’encastre de la bastison d’una 3a linha de mètro o pel projècte de LGV Bordèu-Tolosa.
VNF a lançat una crida e las entrepresas interessadas an fins als darrièrs jorns d’octòbre per i respondre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari