Actualitats
Perpinhan: la Bressola a manifestat contra l’oposicion de comuna a un projècte de collègi e licèu
La dobertura d’un nòu establiment a Perpinhan se deu batre contra l’anticatalanisme de l’extrèma drecha que govèrna la vila
Tèxte legit
Qualques centenas de personas manifestèron dissabte per las carrièras de Perpinhan per exigir de la comuna qu’arrestèsse d’empedir la dobertura d’un projècte de collègi e licèu de la Bressola, lo ret d’escòlas immersivas en catalan. Los manifestants denóncian “una ataca dirècta contra lo catalan” de la man de l’executiu de Louis Aliot, e demandan a la justícia francesa que prenga en compte los dos recorses que la Bressola a presentat.
La Bressola a sasit la justícia contra la comuna de Perpinhan per aver empachat la dobertura d’un projècte de collègi e licèu immersiu en catalan, que se deviá realizar dins lo monastèri de Santa Clara. Lo sit religiós a barrat sas pòrtas après 750 ans de preséncia e la Bressola aviá pagat 60 000 èuros per ne securizar la crompa. Pasmens, la municipalitat, dirigida per Louis Aliot e lo Recampament Nacional, a decidit de far obstruccion a aquel projècte, en obtenent un drech de retractacion dels vendeires.
La Bressola a mai de 1000 escolans escolarizats en Catalonha Nòrd dins maitas escòlas mairalas e elementàrias e un collègi. Ara, per la dobertura d’un nòu collègi e un licèu a Perpinhan, se deu batre contra l’anticatalanisme de l’extrèma drecha que govèrna la vila.
La Bressola a sasit la justícia contra la comuna de Perpinhan per aver empachat la dobertura d’un projècte de collègi e licèu immersiu en catalan, que se deviá realizar dins lo monastèri de Santa Clara. Lo sit religiós a barrat sas pòrtas après 750 ans de preséncia e la Bressola aviá pagat 60 000 èuros per ne securizar la crompa. Pasmens, la municipalitat, dirigida per Louis Aliot e lo Recampament Nacional, a decidit de far obstruccion a aquel projècte, en obtenent un drech de retractacion dels vendeires.
La Bressola a mai de 1000 escolans escolarizats en Catalonha Nòrd dins maitas escòlas mairalas e elementàrias e un collègi. Ara, per la dobertura d’un nòu collègi e un licèu a Perpinhan, se deu batre contra l’anticatalanisme de l’extrèma drecha que govèrna la vila.
Avui i demà, l’escola en català.
— ᗩlbertDM ||*|| (@albertdmcat) October 23, 2021
Un poble mobilitzat per la llengua. #Perpinyà@LaBressolapic.twitter.com/NbEapy1qNm
"Avui i demà, liceu en català"#Bressola#Perpinyàpic.twitter.com/fbEnYc2Dvp
— Júlia Taurinyà (@JuliaTaurinya) October 23, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Fa pietat,òc, pensavi Perpinyà mai catalana e catalanista qu'aquò. Coma que l'omnipresenta senhalisacion bilenga catalan/francès que s'espandis per las carrièiras perpinhanèsas es pas qu'un amaga-misèria que fai pas illusion longtemps. Linguisticament, aqueles ne son ailàs al mèsma nivèl que la rèsta "d'Occitanie".
Qualques centenats........ , d'un costat pòt far ric, d'un autre paure coma doas perilhas dins un mocador nosat pels pèches.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari