Actualitats
Rugbi de XIII: cal entamenar la partida a l’ora…
Aqueste dissabte, l’estadi Brutus de Perpinhan aculhissiá doas partidas internacionalas entre las seleccions anglesas e francesas
Alan RochLas anglesas mai en forma
Las femnas jogavan las primièras. Las Blavas tenguèron còp mièja oreta, mas las anglesas avián mai de ritme e de fòrça. Aquò se tradusiguèt per la marca de sèt ensages. La sola realizacion francesa venguèt per salvar l’onor a la darrièra minuta. Desfaita: 40-4 e de trabalh en perspectiva dins l’amira de la Copa del Mond de l’an que ven.
Los angleses un ton ensús
Òu, los òmes! los angleses venon de tustar la palma. Los Blaus agafan pas lo còp de pè d’entamenada anglés e plegan un primièr còp al cap de 4 minutas. Lo còp de pè de remandadís tustat dirèctament en tòca permet als Blancs de s’installar per un brave moment dins lo camp francés. Tom Davies se jòga de Fouad Yaha, son partenari dels Dragons, e punta l’ensag aprèp un cabús acrobatic al pè de la bandiereta. Puèi, ven a l’alièr d’esquèrra Makinson de marcar en cap de cadena. Lo pilar Walmsley (una montanha!) percuta, libèra la pauma que vòla de mans en mans e lo segonda-linha John Bateman va marcar entre los pals.
Vint minutas de jòc e 20-0 al planchòt pels vesitaires. Benlèu avián pas avisat los Blaus que la partida començava a 3 e mièja… Ça que la, trapan la fòrça mentala de plegar pas e se meton a jogar. Escarré marca, mas son pè a mossegat la linha de tòca.
Los franceses tornan dels vestiaris amb una bèla determinacion e mandan de jòc. Le Cam punta l’ensag a la 46a minuta, puèi los Pols se veson refusar (justament) dos ensages. Los angleses daissan passar l’auratge. A 7 minutas de la fin, en cap de linha, Makinson marca son segond ensag. Julian Sangaré marca lo milen ensag de l’istòria internacionala dels Blaus, mas lo darrièr mot vendrà als angleses amb un segond ensag de Bateman. Victòria dels subjèctes de Sa Majestat: 30-10.
De segur, de jogaires clau mancavan del costat francés, coma lo capitani Sam Tomkins del costat anglés. La question va èsser d’aver lo grop prèst l’an que ven amb una sola partida internacionala (benlèu) en junh e la mesada de preparacion entre la fin de la Superliga e la competicion mondiala. Caldrà dintrar amb assegurança e èime dins las partidas e èsser capable de jogar totalament long de 80 minutas e pas solament una oreta per capitar de se qualificar pels quarts de finala.
A l’ora d’ivèrn
Los Dragons e los jogaires del Tolosa Olimpic tornaràn trapar l’entraïnament collectiu a la fin de novembre per èsser en forma al moment de la represa de la Superliga en febrièr venent.
Lo campionat d’Elèit 1 ocuparà doncas nòstras dimenjadas. Per clavar lo mes d’octòbre, aqueste dissabte, Vilanòva dintrarà dins la competicion en recebent Avinhon. Dimenge (aquí tanben caldrà èsser a l’ora e pensar de règlar las mòstras del biais ivernal), se debanaràn los rescontres: St Gaudenç-Limós, Tolosa-Lesinhan e los Canaris de Carcassona recebràn los Tigres d’Albi.
A Carcassona, los sostens se balharàn de fòrças abans la partida amb un dinnar amical: sopa de coja, polet-fritas, copa dels monts d’Ardecha e, de segur, vins del país!
Alan Roch
Las femnas jogavan las primièras. Las Blavas tenguèron còp mièja oreta, mas las anglesas avián mai de ritme e de fòrça. Aquò se tradusiguèt per la marca de sèt ensages. La sola realizacion francesa venguèt per salvar l’onor a la darrièra minuta. Desfaita: 40-4 e de trabalh en perspectiva dins l’amira de la Copa del Mond de l’an que ven.
Los angleses un ton ensús
Òu, los òmes! los angleses venon de tustar la palma. Los Blaus agafan pas lo còp de pè d’entamenada anglés e plegan un primièr còp al cap de 4 minutas. Lo còp de pè de remandadís tustat dirèctament en tòca permet als Blancs de s’installar per un brave moment dins lo camp francés. Tom Davies se jòga de Fouad Yaha, son partenari dels Dragons, e punta l’ensag aprèp un cabús acrobatic al pè de la bandiereta. Puèi, ven a l’alièr d’esquèrra Makinson de marcar en cap de cadena. Lo pilar Walmsley (una montanha!) percuta, libèra la pauma que vòla de mans en mans e lo segonda-linha John Bateman va marcar entre los pals.
Vint minutas de jòc e 20-0 al planchòt pels vesitaires. Benlèu avián pas avisat los Blaus que la partida començava a 3 e mièja… Ça que la, trapan la fòrça mentala de plegar pas e se meton a jogar. Escarré marca, mas son pè a mossegat la linha de tòca.
Los franceses tornan dels vestiaris amb una bèla determinacion e mandan de jòc. Le Cam punta l’ensag a la 46a minuta, puèi los Pols se veson refusar (justament) dos ensages. Los angleses daissan passar l’auratge. A 7 minutas de la fin, en cap de linha, Makinson marca son segond ensag. Julian Sangaré marca lo milen ensag de l’istòria internacionala dels Blaus, mas lo darrièr mot vendrà als angleses amb un segond ensag de Bateman. Victòria dels subjèctes de Sa Majestat: 30-10.
De segur, de jogaires clau mancavan del costat francés, coma lo capitani Sam Tomkins del costat anglés. La question va èsser d’aver lo grop prèst l’an que ven amb una sola partida internacionala (benlèu) en junh e la mesada de preparacion entre la fin de la Superliga e la competicion mondiala. Caldrà dintrar amb assegurança e èime dins las partidas e èsser capable de jogar totalament long de 80 minutas e pas solament una oreta per capitar de se qualificar pels quarts de finala.
A l’ora d’ivèrn
Los Dragons e los jogaires del Tolosa Olimpic tornaràn trapar l’entraïnament collectiu a la fin de novembre per èsser en forma al moment de la represa de la Superliga en febrièr venent.
Lo campionat d’Elèit 1 ocuparà doncas nòstras dimenjadas. Per clavar lo mes d’octòbre, aqueste dissabte, Vilanòva dintrarà dins la competicion en recebent Avinhon. Dimenge (aquí tanben caldrà èsser a l’ora e pensar de règlar las mòstras del biais ivernal), se debanaràn los rescontres: St Gaudenç-Limós, Tolosa-Lesinhan e los Canaris de Carcassona recebràn los Tigres d’Albi.
A Carcassona, los sostens se balharàn de fòrças abans la partida amb un dinnar amical: sopa de coja, polet-fritas, copa dels monts d’Ardecha e, de segur, vins del país!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari