Actualitats
Sodan: l’armada defend lo còp d'estat militar dins las protèstas ciutadanas
Lo general putchista Al Burhan se justifica per la paur d'una guèrra civila, e assegura que i aurà d’eleccions en 2023
Tèxte legit
Almens un desenat de personas serián mòrtas en Sodan dins la cauma generala e las protèstas ciutadanas contra lo putsch militar de diluns passat. Mai d’una centena e mièja de manifestants serián nafrats dins la repression d’aquelas protèstas.
Lo general Abdel Fattah Al Burhan a pres tornarmai lo poder en se justificant pel fach qu'auriá paur que lo país subiguèsse una guèrra civila. Dins aquel sens, Al Burhan a anonciat la suspension de divèrses articles del Document Constitucional pachat en agost de 2019 entre civils e militars après la revòlta que tombèt lo president Omar Al Bashir, al poder dempuèi 30 ans. Alavetz, Al Burhan bailegèt un Conselh Militar de Transicion que deviá governar Sodan provisòriament, en acceptant la creacion d’un govèrn provisòri integrat per de civils e somés a l’autoritat militara fins a la convocacion d’eleccions.
Dins son discors fach dimars passat a Khartom, Al Burhan diguèt que l’armada aviá “fachas totas las concessions que caliá” per arribar a un acòrdi amb sos sòcis civils dins la transicion, mas assegurèt que de civils èran fòrça polarizats e qu’avián refusadas “totas las proposicions de solucion”. Tanben diguèt qu’el èra totjorn engatjat per una transicion devèrs un govèrn civil, en prevesent d’eleccions en 2023. Lo primièr ministre, Abdallah Hamdok, e sa femna foguèron arrestats diluns pels putchistas e dempuèi dimars son assignats a domicili e susvelhats per l’armada.
Los partits politics, los sindicats e la majoritat de las organizacions civilas del país an refusat la proclamacion militara, contèstan los arguments d’Al Burhan e cridan a la resisténcia populara. Los mètges de tot lo país an refusat de trabalhar dins los espitals militars.
L’Union Africana, la Liga Aràbia, França, los Estats Units, l’Union Europèa e l’ÒNU an condemnat lo còp d'estat, mas sembla qu’aqueste auriá lo sosten de las monarquias del Golf Persic.
De recordar qu’en junh de 2019, abans que la transicion democratica foguèsse pachada, los soldats tuèron almens 87 manifestants a Khartom que demandavan al govèrn militar de transicion que cediguèsse lo poder als civils.
Lo general Abdel Fattah Al Burhan a pres tornarmai lo poder en se justificant pel fach qu'auriá paur que lo país subiguèsse una guèrra civila. Dins aquel sens, Al Burhan a anonciat la suspension de divèrses articles del Document Constitucional pachat en agost de 2019 entre civils e militars après la revòlta que tombèt lo president Omar Al Bashir, al poder dempuèi 30 ans. Alavetz, Al Burhan bailegèt un Conselh Militar de Transicion que deviá governar Sodan provisòriament, en acceptant la creacion d’un govèrn provisòri integrat per de civils e somés a l’autoritat militara fins a la convocacion d’eleccions.
Dins son discors fach dimars passat a Khartom, Al Burhan diguèt que l’armada aviá “fachas totas las concessions que caliá” per arribar a un acòrdi amb sos sòcis civils dins la transicion, mas assegurèt que de civils èran fòrça polarizats e qu’avián refusadas “totas las proposicions de solucion”. Tanben diguèt qu’el èra totjorn engatjat per una transicion devèrs un govèrn civil, en prevesent d’eleccions en 2023. Lo primièr ministre, Abdallah Hamdok, e sa femna foguèron arrestats diluns pels putchistas e dempuèi dimars son assignats a domicili e susvelhats per l’armada.
Los partits politics, los sindicats e la majoritat de las organizacions civilas del país an refusat la proclamacion militara, contèstan los arguments d’Al Burhan e cridan a la resisténcia populara. Los mètges de tot lo país an refusat de trabalhar dins los espitals militars.
L’Union Africana, la Liga Aràbia, França, los Estats Units, l’Union Europèa e l’ÒNU an condemnat lo còp d'estat, mas sembla qu’aqueste auriá lo sosten de las monarquias del Golf Persic.
De recordar qu’en junh de 2019, abans que la transicion democratica foguèsse pachada, los soldats tuèron almens 87 manifestants a Khartom que demandavan al govèrn militar de transicion que cediguèsse lo poder als civils.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari