Actualitats
Vidas: un projècte de diccionari biografic en linha de las femnas e dels òmes, actrises e actors de la renaissença occitana (sègles XIX-XXI)
Tèxte legit
Qual son aqueles òmes e aquelas femnas, escrivans, militants del Felibritge o de las tendéncias divèrsas de l’occitanisme contemporanèu (sègles XIX-XXI) que lo cercaire rescontra regularament, quand despolha de revistas o tròba en cò d’un boquinista o dins una bibliotèca un obratge que sap pas res, a priòri, de son autor? Fins ara, se podiá pas comptar sus cap de banca de donadas biograficas vertadièra en estat de recensar l’ensemble dels actors de la renaissença occitana.
Lo projècte Vidas
Vidas es un projècte de diccionari biografic de l’ensemble dels actors dels diferents movements de la renaissença d’òc qu’espelisson a partir del sègle XIX dins l’ensemble de l’espaci occitanofòn e al delà d’aqueste. Lo modèl que l’inspira es lo del Maitron, diccionari del movement obrièr.
Qual pòt contribuir e cossí?
Per capitar aqueste projècte, fan mestièr de collaboradors nombroses, indispensables per cobrir, jos lo contraròtle del comitat scientific, un camp de recèrcas tan larg dins lo temps coma dins l’espaci.
Aital, tota persona qu’a d’activitats d’estudi e de recèrca sus de personalitats qu’an participat per lor òbra, lor pensada o lor accion als movements de renaissença occitana, pòt contribuir a Vidas.
Se volètz contribuir, çò primièr es de prene contacte amb lo comitat scientific per fin de transmetre vòstre projècte d’article e beneficiar de conselhs.
Los projèctes d’articles son de prepausar als membres del comitat scientific e editorial del projècte, especialistas d’istòria, literatura e cultura occitanas contemporanèas del laboratòri Recèrca en Domeni Occitan – Lengas, literatura, arts e culturas dels suds (REDÒC-LLACS) (Universitat Pau Valèri - Montpelhièr III): Yan Lespoux, Maria Joana Verny, Felip Martèl.
La publicacion dels articles
Quand los articles son validats dins lor forma finala entre l’autor e lo comitat scientific, son transmeses als bibliotecaris del Centre Interregional de Desvolopament de l'Occitan (CIRDÒC) per mesa en forma e publicacion.
Los autors son assabentats de la publicacion de lor article e pòdon a tot moment senhalar una error o prepausar un complement.
La lenga de redaccion de l’article es, a la tria, lo francés o l’occitan. L’article es traduch en l’autra lenga sonque après sa validacion dins sa forma finala. L’autor pòt demandar a èsser lo traductor de son article. Levada indicacion contrària de l’autor, es mandat a un traductor.
L’estructura dels articles
Los articles devon èsser presentats segon lo plan seguent:
1) Resumit o introduccion de l’article:
un maxim de 500 signes, espacis compreses
2) Identitats de la personalitat
Aquel camp es present per listar totas las formas rescontradas, formas erronèas compresas, d’identificacion d’un autor o d’una personalitat, e per indicar sas formas referencialas, en particular per los fichièrs e tesaurus de referéncia.
Los bibliotecaris del CIRDÒC se trachan d’emplenar aquel camp mas se demanda als autors de listar d’un biais informal totas las atestacions qu’an pogut relevar dins las sorsas e la bibliografia de lor article, mai que mai los pseudonims, las diferentas formas occitanizadas, etc.
Los bibliotecaris del CIRDÒC se trachan d’emplenar aquel camp mas se demanda als autors de listar d’un biais informal totas las atestacions qu’an pogut relevar dins las sorsas e la bibliografia de lor article, mai que mai los pseudonims, las diferentas formas occitanizadas, etc.
2-1) formas referencialas:
(daissar liure, emplenat per los bibliotecaris del CIRDÒC) nom d’ostal, rèirenom (forma referenciala francesa) = nom, prénom (forme référentielle occitane)
2-2) formas alternativas:
(daissar liure, emplenat per los bibliotecaris del CIRDÒC)
< … (forma completa d’estat civil)
< … (forma occitanizada non referenciala)
< … (pseudonims)
< … (forma erronèa)
< … (forma occitanizada non referenciala)
< … (pseudonims)
< … (forma erronèa)
3) Elements biografics
Biografia de la personalitat, sas originas familialas e socialas, sa formacion, son percors professional e personal, sos engatjaments politics o sindicals, etc.
Los autors an la possibilitat, s’o desiran, de crear de soscapítols e de lor atribuir un títol.
4) Engatjaments dins la renaissença d’òc
Las activitats de la personalitat en favor de l’occitan, sos engatjaments dins de movements artistics, literaris, militants (associacions, sindicats, organizacions politicas) de la renaissença d’òc.
Los autors an la possibilitat, s’o desiran, de crear de soscapítols e de lor atribuir un títol.
5) Bibliografia e sorsas
Los autors indican aquí sonque las sorsas e documents consultats per la redaccion de la notícia o de l’article.
Se los autors dispausan de bibliografias completas o detalhadas de l’òbra de la personalitat, las pòdon annexar a lor article per fin que las referéncias sián integradas dins las basas bibliograficas per los bibliotecaris del CIRDÒC.
Se los autors dispausan de bibliografias completas o detalhadas de l’òbra de la personalitat, las pòdon annexar a lor article per fin que las referéncias sián integradas dins las basas bibliograficas per los bibliotecaris del CIRDÒC.
Autres elements a donar:
1) Per lo primièr article: biografia de l’autor de l’article, per fin que siá publicada sus lo sit
2) Entresenha per los indèxes:
2) Entresenha per los indèxes:
— Professions: listar las professions significativas exercidas per la personalitat objècte de l’article
— Grops e collectius d’apertenéncia: listar las associacions, collectius, partits politics, etc., dins los quals la personalitat a agut un ròtle significatiu, o almens non anecdotic.
— Luòcs e indèx geografic: los luòcs de vida e/o d’accion significatius dins lo percors de la personalitat (aquò pòt èsser de comunas, d’airals geografics, un país estrangièr, etc.)
— Grops e collectius d’apertenéncia: listar las associacions, collectius, partits politics, etc., dins los quals la personalitat a agut un ròtle significatiu, o almens non anecdotic.
— Luòcs e indèx geografic: los luòcs de vida e/o d’accion significatius dins lo percors de la personalitat (aquò pòt èsser de comunas, d’airals geografics, un país estrangièr, etc.)
3) Illustracions:
Les autors pòdon illustrar lors articles: basta de balhar las referéncias e legendas de las illustracions al moment de la transmission del tèxt de l’article.
Citacion des articles
Los articles publicats dins Vidas son triats e validats per un comitat d’expèrt jos l’egida d’una compausanta de recèrca e d’una universitat, an l’estatut de publicacion academica e pòdon figurar dins las bibliografias e curriculum vitae dels autors.
Vidas es un projècte a l’iniciativa de la compausanta REDÒC/LLACS de l’Universitat Pau Valèri Montpelhièr 3 e del CIRDÒC-Mediatèca interregionala occitana.
— Mai d’entresenhas aicí: vidas.occitanica.eu e vidas.occitanica.eu/contribuer.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 de segur ! avèm jogat sus las "Vidas" dels trobadors. Mas aquestas avian pas cap de pretencion objectiva, ni donavan sas sorsas. Aqui, avèm una exigéncia d'objectivitat, es a dire que son pas de laus ni d'omenatges, solament d'entresenhas amb lor sorsa obligatòria. Aital coma o es lo Maitron (ont d'alhors se tròban mantun militant occitanista.
"Lo modèl que l’inspira es lo del Maitron, diccionari del movement obrièr."
E un pauc lo de las "Vidas" dels trobadors benlèu ?
Aconselhi lo libre "Vidas" de Martèl, per descobrir d'un autre biais lo Felibritge e sas figuras
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari