Actualitats
Tornarmai nos fan retardar l’ora
La CE deviá ongan decidir s’abolissiá los cambiaments oraris, mas la pandemia e la manca de consens retardan la decision del comitat d’expèrts
Tèxte legit
Un còp de mai, nos fan retardar d’una ora nòstres relòtges e mòstras per intrar dins l’orari d’ivèrn. Aital, dins la nuèch de uèi dissabte 30 a deman dimenge 31 d’octòbre, a tres oras seràn estadas tornarmai doas oras. Aquò permet d’aprofechar las oras de solelh del matin e aital d’estalviar d’energia, çò dison.
Amb aquesta practica, l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai.
Serà, enfin, lo darrièr cambiament d’ora?
Aquel cambiament se fa en compliment d’una directiva de l'Union Europèa qu'afècta totes los estats membres. Aquò comencèt de se far a partir de la crisi del petròli de 1973, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981, aquel cambiament orari es una nòrma de l’Union Europèa.
La Comission Europèa es a estudiar quines efièches auriá la suspension dels cambiaments d’ora. Dins aquel sens, faguèt una consulta publica dins l’estiu de 2018 per saber que ne pensavan los ciudatans. Lo resultat n’èra pro clar: l’84% dels 4,6 milions de las personas interrogadas voliá metre lo ponch final als cambiaments oraris, e lo 64% voliá aver permanentament l’orari d’estiu.
Lo comitat d’expèrts nomenat per abolir lo cambiament orari prevesiá d’aver un resultat ongan, mas la pandemia e la manca de consens ne retardan la decision. Sus la taula an l’opcion de decidir se s’abolís los cambiaments d’ora e, en cas de responsa positiva, quin orari se fixarà, lo d’ivèrn o lo d’estiu.
L’ora actuala ven dels nazis
Lo 7 de març de 1941, lo govèrn franquista d’Espanha ordenèt de cambiar l’ora oficiala per que s’acordèsse amb l’ora d’autres païses europèus, que l’Alemanha nazi i venián d’impausar l’orari alemand. A la fin de la Segonda Guèrra Mondiala, totes los estats que foguèron ocupats pels nazis mantenguèron l’orari centreuropèu, un orari que lo jonguèron Andòrra, Gibartar e Mónegue. Portugal e lo Reialme Unit servèron l’ora de diferéncia.
Amb aquesta practica, l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai.
Serà, enfin, lo darrièr cambiament d’ora?
Aquel cambiament se fa en compliment d’una directiva de l'Union Europèa qu'afècta totes los estats membres. Aquò comencèt de se far a partir de la crisi del petròli de 1973, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981, aquel cambiament orari es una nòrma de l’Union Europèa.
La Comission Europèa es a estudiar quines efièches auriá la suspension dels cambiaments d’ora. Dins aquel sens, faguèt una consulta publica dins l’estiu de 2018 per saber que ne pensavan los ciudatans. Lo resultat n’èra pro clar: l’84% dels 4,6 milions de las personas interrogadas voliá metre lo ponch final als cambiaments oraris, e lo 64% voliá aver permanentament l’orari d’estiu.
Lo comitat d’expèrts nomenat per abolir lo cambiament orari prevesiá d’aver un resultat ongan, mas la pandemia e la manca de consens ne retardan la decision. Sus la taula an l’opcion de decidir se s’abolís los cambiaments d’ora e, en cas de responsa positiva, quin orari se fixarà, lo d’ivèrn o lo d’estiu.
L’ora actuala ven dels nazis
Lo 7 de març de 1941, lo govèrn franquista d’Espanha ordenèt de cambiar l’ora oficiala per que s’acordèsse amb l’ora d’autres païses europèus, que l’Alemanha nazi i venián d’impausar l’orari alemand. A la fin de la Segonda Guèrra Mondiala, totes los estats que foguèron ocupats pels nazis mantenguèron l’orari centreuropèu, un orari que lo jonguèron Andòrra, Gibartar e Mónegue. Portugal e lo Reialme Unit servèron l’ora de diferéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal cambiar l'ora del solelh !
Es escrit que "l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai".
Aquò me sembla vertat se nos plaçam exactament sul meridian que definís l'ora convencionalament oficiala mas tanlèu que nos desplaçam cap a l'èst o cap a l'oèst, es pas pus vertat (se foguès vertat, voldriá dire que l'ora oficiala, ela meteissa, seriá diferenta d'un lòc a l'autre). Per exemple, uèi a 8 h 30 ora oficiala convencionala èran 7 h 15 a Niça mas pas que 6 h 44 a Bordèu siá una mieja ora de diferéncia, a pus près, entre lo levant e lo ponent d'Occitània. Dins un tal cas, siá cal adoptar oficialament una ora solara diferenta per cada lòc (l'ora del lòc en relacion amb lo solelh), siá aver una ora convencionala oficiala que, qué que ne siá, serà tot còp desacordada amb la supausada ora solara, fascam çò que fascam. Sens parlar del passatge d'un fus orari a un autre que, tot còp, vos fa far un saut d'una ora (en mai o en mens) mentre qu'avètz pas brica cambiat d'ora "solara" (los estatjants de la frontièra politica entre Galícia e Portugal, que deurián èsser dins lo meteis fus orari, o sabon ben pro, per exemple). En tot cas, dins lo fus orari que nos i trobam, que religa la punta occidentala de Galícia a la punta nòrd-èst de Noruèga/Norvègia, acordar ora solara e ora oficiala seriá de plan mal far, levat a trocejar lo fus en fuses mai estreits.
E coma se parla d'Europa, la vièlha sirpa, vaqui un autre article que segurament vos farà quilhar las ussas.
https://www.contrepoints.org/2021/10/29/409671-le-marche-de-lelectricite-europeen-est-caduc
Coma o dits l'article se rementar que la declaracion de Messine del dos de junh de 1955, èra d'aver d'energia a ronfles e bon mercat....
Cadun pòt vèiser que ne sèm plan treslonhats e que per jogar flabuta Europa i sap far !
E se l'òm seguissiá l'ora del solelh ?
Atal sarà milhor topin de diu !
Brica segur que siòsquèssa lo darnièr ! Coma o sabetz Europa aima plan de fa parlar d'ela, en mal o en ben aquò rai es pas l'amira. L'amira es de parlar d'Europa!
E fa un brave escag que nos fa cagar europa e probable que contunharà amb'aquel cambiament d'ora.
Damora qu'al campestre cambian pas !
Setz totis aqui badent e sosmès enant Europa.... Es la volontat del diu Europa que vos apastura de tot que vos fa pas mestièr !
e i trucatz ambe vam al portanel... Enquèra enquèra enquèra, la plan coneiguda "crida" occitanista.
Se poriá trobar milhor coma auròst çaquelà !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari