Actualitats
La CJUE infligís a Polonha una emenda d’un milion d’èuros per jorn per aver violat l’independéncia judiciària
La sancion se levarà quand lo govèrn polonés eliminarà la cambra disciplinària que permet de lançar d’enquistas suls jutges de la Cort Suprèma
Tèxte legit
La Cort de Justícia de l’Union Europèa (CJUE) a infligit una multa d’un milion d’èuros per jorn al govèrn polonés tant que contunharà de contravenir als mandats de la justícia europèa sus l’independéncia de sa Cort Suprèma. L’executiu de Mateusz Morawiecki deurà pagar tot aquel argent dirèctament a la Comission Europèa, que denoncièt lo non-respècte de l’estat de drech.
La sancion se retirarà quand lo govèrn polonés complirà las mesuras de precaucion de la CJUE contra la dicha cambra disciplinària, que permet al govèrn polonés de lançar d’enquistas suls jutges de la Cort Suprèma segon lo contengut de las senténcias qu’emeton.
Fa qualques setmanas, la Cort Constitucionala polonesa afortiguèt que lo drech d’aquel país èra al dessús del de l’Union Europèa, en fasent créisser aital la crisi politica entre Brussèlas e Varsòvia.
D’autre caire, la CJUE considèra que la multa infligida es necessària per evitar un damatge grèu e irreparable de l’òrdre juridic de l’UE e, en consequéncia, dels dreches dels ciutadans poloneses protegits per la jurisprudéncia europèa.
Lo viceministre polonés de la justícia, Sebastian Kaleta, a reagit en acusant la CJUE de “cantatge e usurpacion” e d’ignorar la Constitucion polonesa.
La sancion se retirarà quand lo govèrn polonés complirà las mesuras de precaucion de la CJUE contra la dicha cambra disciplinària, que permet al govèrn polonés de lançar d’enquistas suls jutges de la Cort Suprèma segon lo contengut de las senténcias qu’emeton.
Fa qualques setmanas, la Cort Constitucionala polonesa afortiguèt que lo drech d’aquel país èra al dessús del de l’Union Europèa, en fasent créisser aital la crisi politica entre Brussèlas e Varsòvia.
D’autre caire, la CJUE considèra que la multa infligida es necessària per evitar un damatge grèu e irreparable de l’òrdre juridic de l’UE e, en consequéncia, dels dreches dels ciutadans poloneses protegits per la jurisprudéncia europèa.
Lo viceministre polonés de la justícia, Sebastian Kaleta, a reagit en acusant la CJUE de “cantatge e usurpacion” e d’ignorar la Constitucion polonesa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari