Actualitats
Lo movement One Nation s’installarà pas sul Causse de Gramat
Qualificats de complotistas e de sectaris, la mobilizacion de la comuna e dels mèdias lor a empachada la crompa d’un domeni a Senalhac de Lausès
Tèxte legit
Lo movement One Nation s’installarà pas a Senalhac de Lausès (Causse de Gramat) après la mobilizacion dels abitants per empedir qu’aquel movement, taxat de complotisme e quitament de sectarisme, crompèsse un domeni de 200 ectaras per i bastir son “laboratòri del nòu Mond“. La còla bailejada per Alice Pazalmar denóncia un “clima d’ostilitat prefabricat” creat pels jornalistas qu’an “espauridas las armas tranquillas del vilatge”.
Per mièg setembre, la còla de One Nation publiquèron un vidèo sus lor cadena YouTube dins lo qual Alice Pazalmar e son companh anonciavan la signatura d’un engatjament de venda amb l’agéncia proprietària dels luòcs.
D’un caire, HelloAsso suspendèt la canhòta destinada a reünir los 750 500 èuros necessaris per la crompa. D’autre caire, una abitanta de Senalhac lancèt una peticion e lo cònsol màger se mobilizèt suls mèdias. Enfin, la societat immobilièra suspendèt l’engatjament en fasent valer son drech de preempcion sus la part agricòla del domeni.
“Es acabat per nosautres, mas pas per eles. Son capables de se restructurar e de crompar endacòm mai”, çò disiá encara lo cònsol màger.
De lor latz, la còla de One Nation parlan de “primièr episòdi” fins al jorn “ont un luòc aculhent que pòrte exactament aquela vision se dobrirà”, o benlèu lo dobrirà qualqu’un mai “un pauc mai discretament”, çò rapòrta Le Monde.
Per mièg setembre, la còla de One Nation publiquèron un vidèo sus lor cadena YouTube dins lo qual Alice Pazalmar e son companh anonciavan la signatura d’un engatjament de venda amb l’agéncia proprietària dels luòcs.
D’un caire, HelloAsso suspendèt la canhòta destinada a reünir los 750 500 èuros necessaris per la crompa. D’autre caire, una abitanta de Senalhac lancèt una peticion e lo cònsol màger se mobilizèt suls mèdias. Enfin, la societat immobilièra suspendèt l’engatjament en fasent valer son drech de preempcion sus la part agricòla del domeni.
“Es acabat per nosautres, mas pas per eles. Son capables de se restructurar e de crompar endacòm mai”, çò disiá encara lo cònsol màger.
De lor latz, la còla de One Nation parlan de “primièr episòdi” fins al jorn “ont un luòc aculhent que pòrte exactament aquela vision se dobrirà”, o benlèu lo dobrirà qualqu’un mai “un pauc mai discretament”, çò rapòrta Le Monde.
Lot: la mouvance complotiste One Nation renonce à s'installer dans le village de Sénaillac-Lauzèshttps://t.co/v9xnLDTaUHpic.twitter.com/1Ssdsrno7G
— BFMTV (@BFMTV) October 27, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9
Los indigènas coma çà disetz, de nombroses, son passats à pauques, e ara son en minoritat. desempuèi un brave sàssic son pus elis que viran la menestra dins los topins, de tot biais an ronsat la todèlha.
Occitània es venguda un espaci de conquista aisit on s'estolomian los chinchons e la bobotalha internacionala.
Coma çà dison los gòchistas sèm una ZAC (zona a conquistar) : Es fach !
#9 Hèra plan dit
Es gostós de veire cossi, uèi coma ièr, Occitània granda es de longa vodada a èsser lo terrenc de jòc de la bobotalha parisenca qu'i ven experimentar totas sas farfantèlas al mitan dels indigènis braves-tot-plen, ( "d'armas tranquillas" a la bonomia tota rustica, tè !) mas de segur fòrça tròp nècis e endarrierats per i comprene que que sia.
#3 Sindròme d'Estockhòlm.
#1 Aquesta dictatura qui n'ei pas fotuda d'embastilhar los qui, com vos, la denoncian a tot pip-pap...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari