Actualitats
Dodik ditz que la Republica Sèrba de Bòsnia començarà los procediments per rebastir sa pròpria armada en Bòsnia
Lo dirigent serbobosnian encastra l’iniciativa dins la “recuperacion de las competéncias” cedidas a l’estat bosnian
Tèxte legit
Lo membre sèrbe de la presidéncia tripartita de Bòsnia e Ercegovina, Milorad Dodik, a dich que lo principal partit del govèrn de la Republica Sèrba de Bòsnia, l’SNSD, aviá aprovat una resolucion per tornar formar una armada serbobosniana, 15 ans après sa dissolucion.
Segon Dodik, l’Assemblada Nacionala de la Republica Sèrba de Bòsnia entamenarà aqueste mes de novembre los procediments per la “recuperacion de las competéncias” que l’entitat serbobosniana a cedit aquestes darrièrs 20 ans a l’estat bosnian.
L’Armada de la Republica Sèrba s’unifiquèt amb la de la Federacion de Bòsnia e Ercegovina en 2004 per crear las Fòrças Armadas de Bòsnia e Ercegovina.
La Republica Sèrba de Bòsnia, de majoritat sèrba, es una de las doas entitats federadas de Bòsnia e Ercegovina. L’autra es la Federacion de Bòsnia e Ercegovina, formada de dètz cantons autonòms, qualques unes de majoritat bosniana e d’autres, croata.
Lo dirigent serbobosnian assegura que i a pas res d’anticonstitucional a la reconstitucion de l’armada de la Republica Sèrba de Bòsnia. Dodik argumenta tanben qu’aquela armada pòt viure amb las fòrças armadas bosnianas dins l’encastre dels acòrdis de Dayton, que formèron l’actual estat de Bòsnia e Ercegovina en 1995.
Lo membre bosnian de la presidéncia tripartita, Šefik Džaferović, l’a totun avertit que la reorganizacion de l’armada de la compausanta sèrba de la federacion seriá pas “jamai” acceptada. “La sola causa que poirà far es alavetz quitar unilateralament los acòrdis de Dayton”, çò a argumentat Džaferović, qu’a predich qu’en aquel cas la Republica Sèrba de Bòsnia quitariá d’existir e que l’estat bosnian subreviuriá.
L’afar de l’armada serbobosniana es extrèmament sensible en Bòsnia. Pendent la guèrra de 1992 a 1995, son comandant en cap foguèt Ratko Mladić, condemnat per la Cort Penala Internacionala per l’Anciana Iogoslavia per genocidi, crimes de guèrra e crimes contra l’umanitat. Los critics de la reorganizacion d’una armada serbobosniana considèran que destabilizariá lo país e metriá en perilh la patz, precària, de las darrièras 25 annadas.
Aquesta nòva es adaptada de Nationalia, amb qui Jornalet ten un acòrdi de cooperacion.
Segon Dodik, l’Assemblada Nacionala de la Republica Sèrba de Bòsnia entamenarà aqueste mes de novembre los procediments per la “recuperacion de las competéncias” que l’entitat serbobosniana a cedit aquestes darrièrs 20 ans a l’estat bosnian.
L’Armada de la Republica Sèrba s’unifiquèt amb la de la Federacion de Bòsnia e Ercegovina en 2004 per crear las Fòrças Armadas de Bòsnia e Ercegovina.
La Republica Sèrba de Bòsnia, de majoritat sèrba, es una de las doas entitats federadas de Bòsnia e Ercegovina. L’autra es la Federacion de Bòsnia e Ercegovina, formada de dètz cantons autonòms, qualques unes de majoritat bosniana e d’autres, croata.
Lo dirigent serbobosnian assegura que i a pas res d’anticonstitucional a la reconstitucion de l’armada de la Republica Sèrba de Bòsnia. Dodik argumenta tanben qu’aquela armada pòt viure amb las fòrças armadas bosnianas dins l’encastre dels acòrdis de Dayton, que formèron l’actual estat de Bòsnia e Ercegovina en 1995.
Lo membre bosnian de la presidéncia tripartita, Šefik Džaferović, l’a totun avertit que la reorganizacion de l’armada de la compausanta sèrba de la federacion seriá pas “jamai” acceptada. “La sola causa que poirà far es alavetz quitar unilateralament los acòrdis de Dayton”, çò a argumentat Džaferović, qu’a predich qu’en aquel cas la Republica Sèrba de Bòsnia quitariá d’existir e que l’estat bosnian subreviuriá.
L’afar de l’armada serbobosniana es extrèmament sensible en Bòsnia. Pendent la guèrra de 1992 a 1995, son comandant en cap foguèt Ratko Mladić, condemnat per la Cort Penala Internacionala per l’Anciana Iogoslavia per genocidi, crimes de guèrra e crimes contra l’umanitat. Los critics de la reorganizacion d’una armada serbobosniana considèran que destabilizariá lo país e metriá en perilh la patz, precària, de las darrièras 25 annadas.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Parli dels dirigents, pas dels sèrbis dins lor ensems. Cal pas veire de xenofòbia pertot.
25 ans qu'an passat despuish Dayton e los pòbles qui compausan la Bòsnia-Erzegovina n'an pas enqüèra sabut trobar las vias de la coexisténcia. Lo país qu'ei enqüèra un protectorat de l'ÒNU !
#1 comentari xenofòbe e digne deu cafè deu Comèrci
Aqueles dirigents sèrbis se pòdon pas empachar de fotre lo rambalh ont que se trapen.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari