Actualitats
Rugbi de XIII: un campionat costumièr?
Solament doas jornadas del campionat d’Elèit 1 de jogadas e nos trapam ja amb las 3 equipas audencas en cap de classament!
Alan Roch
Dissabte, Avinhon s’anèt impausar en tèrra aquitana: victòria suls Leupards de Vilanòva: 19-12.
Dimenge, Lesinhan se presenta a Tolosa amb una formacion rejovenida: sens qualques jogaires clau nafrats e sens los Dragons Catalans (Maloney, Baitieri) qu’arribaràn mai tard. Los Molinièrs son menats 18-10 a la pausa, mas trapan la bona carburacion dins lo segond temps per ganhar 34-18.
Los Grizzlies de Limós van balhar la leiçon als Orses de Sent Gaudenç: 60-10. La sason s’anóncia plan longa en país comengés.
Partida mai disputada al pè de l’antica Ciutat: sus la fin, Carcassona pren lo pas suls Tigres albigeses 18-12.
En cap d’aficha de la tresena jornada, lo revenge del campionat passat entre Lesinhan e Carcassona que se jogarà al Molin aqueste dimenge 7 de novembre, sul còp de 3 oras del vèspre. La partida serà retransmesa per ViàOccitanie qu’anóncia tanben una difusion de Tolosa-Vilanòva lo dissabte 27 de novembre e de la partida Albi-Avinhon del dissabte 11 de decembre. De notar, una preséncia bèla del public qu’èra vertadièrament en manca d’emocions e de rescontres!
Objectiu Elèit 1 per Pià
Los Batalhièrs de Pià an anonciat lor objectiu: tornar far montar la ciutat catalana en Elèit 1. Per ara, an ganhat las primièras 4 partidas jogadas. Aqueste dimenge, an ganhat aisidament un dèrbi catalan fàcia a Illa: 52-6.
Autras esquipas sens desfaita: los Singlars de Vilagalhenc-Argon e las Tarantas de Baó.
Lo sòmi novèl del president Guasch
Aprèp l’excellenta sason en Superliga dels Dragons Catalans, lo president Guasch aviá assabentat de son vòt d’anar jogar una partida un còp de mai al Camp Nòu de Barcelona. Ara, torna metre endavant un projècte de partida deslocalizada a l’Estadi Velodròm de Marselha!
Los ancians se recordaràn de la plaça fòrta del XIII que foguèt Marselha e de las partidas de XIII que se jogavan en dobertura dels rescontres de l’OM! Una autra epòca… Afar de seguir, coma se ditz!
Alan Roch
Dimenge, Lesinhan se presenta a Tolosa amb una formacion rejovenida: sens qualques jogaires clau nafrats e sens los Dragons Catalans (Maloney, Baitieri) qu’arribaràn mai tard. Los Molinièrs son menats 18-10 a la pausa, mas trapan la bona carburacion dins lo segond temps per ganhar 34-18.
Los Grizzlies de Limós van balhar la leiçon als Orses de Sent Gaudenç: 60-10. La sason s’anóncia plan longa en país comengés.
Partida mai disputada al pè de l’antica Ciutat: sus la fin, Carcassona pren lo pas suls Tigres albigeses 18-12.
En cap d’aficha de la tresena jornada, lo revenge del campionat passat entre Lesinhan e Carcassona que se jogarà al Molin aqueste dimenge 7 de novembre, sul còp de 3 oras del vèspre. La partida serà retransmesa per ViàOccitanie qu’anóncia tanben una difusion de Tolosa-Vilanòva lo dissabte 27 de novembre e de la partida Albi-Avinhon del dissabte 11 de decembre. De notar, una preséncia bèla del public qu’èra vertadièrament en manca d’emocions e de rescontres!
Objectiu Elèit 1 per Pià
Los Batalhièrs de Pià an anonciat lor objectiu: tornar far montar la ciutat catalana en Elèit 1. Per ara, an ganhat las primièras 4 partidas jogadas. Aqueste dimenge, an ganhat aisidament un dèrbi catalan fàcia a Illa: 52-6.
Autras esquipas sens desfaita: los Singlars de Vilagalhenc-Argon e las Tarantas de Baó.
Lo sòmi novèl del president Guasch
Aprèp l’excellenta sason en Superliga dels Dragons Catalans, lo president Guasch aviá assabentat de son vòt d’anar jogar una partida un còp de mai al Camp Nòu de Barcelona. Ara, torna metre endavant un projècte de partida deslocalizada a l’Estadi Velodròm de Marselha!
Los ancians se recordaràn de la plaça fòrta del XIII que foguèt Marselha e de las partidas de XIII que se jogavan en dobertura dels rescontres de l’OM! Una autra epòca… Afar de seguir, coma se ditz!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari