Actualitats
Quand arribèt la ràdio...
Los primièrs messatges que sortiguèron de Radio Tour Eiffel datan de novembre de 1921, fa cent ans, quand foguèron escotats divèrses programas sus la meteorologia e après un pauc de musica
Ara fa 100 ans que la ràdio arribèt, pel primièr còp, dins l’estat francés. La primièra ràdio francesa foguèt Radio Tour Eiffel. La primièra emission se faguèt lo 21 de desembre de 1921 e, malgrat que foguèsse una ràdio militara, pervenguèt lèu a tot lo territòri francés fins en 1940. Son istòria fa partida, uèi, de l’istòria dels mèdias europèus e de l’istòria modèrna dels mejans de comunicacion franceses.
Son istòria comencèt en 1903, quand Gustave Eiffel ofriguèt la tor de París a Gustave Ferrié per i installar de telegrafia sens fil. Los primièrs assages de l’armada francesa foguèron realizats en 1910 mas finiguèron lèu, a causa de la Primièra Guèrra Mondiala. La naissença oficiala de Radio Tour Eiffel durariá encara fins en 1922 quand l’armada declarèt oficialament sa naissença coma mèdia public francés.
Los primièrs messatges que sortiguèron de Radio Tour Eiffel, pasmens, datan de novembre de 1921, fa cent ans, quand foguèron escotats divèrses programas sus la meteorologia e après un pauc de musica. En desembre de 1921 foguèt creada la primièra emission regulara. Sonque qualques personas la poguèron ausir pr’amor qu’avián la celèbre ràdio de galena d’aquela epòca.
Amb los primièrs mots, “adieu-siatz, adieu-siatz, aicí lo pòst militar de la Tor Eiffel...”, comencèron d’emissions regularas a comptar de 16h30 e sonque pendent mièja ora de manièra jornadièra. Pauc après, las emissions duravan dos oras e mièja.
En 1924, la nòva Lei Herriot exigís la creacion d’associacions culturalas publicas jol contraròtle estatal, se se vòl contunhar de far d’emissions de ràdio. Pr’amor d’aquò, Radio Tour Eiffel serà donada a l’Associacion dels Amics de la Tor. En 1925, lo nòu director de la ràdio, Maurice Privat, començarà lo primièr jornal parlat de la planeta.
En 1933, l’estat francés cromparà, tornarmai, Radio Tour Eiffel, e donarà son espaci radiofonic a las emissions de Radio Paris a comptar de 1935. Totun, la marrida qualitat tecnica de la ràdio a partir d’alavetz entraïnarà una plan mendre recepcion dels auditors franceses. En 1939, Radio Tour Eiffel intrarà dins la Radiodifusion Francesa Nacionala mas finirà lèu, en junh de 1940, sas emissions. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Son istòria comencèt en 1903, quand Gustave Eiffel ofriguèt la tor de París a Gustave Ferrié per i installar de telegrafia sens fil. Los primièrs assages de l’armada francesa foguèron realizats en 1910 mas finiguèron lèu, a causa de la Primièra Guèrra Mondiala. La naissença oficiala de Radio Tour Eiffel durariá encara fins en 1922 quand l’armada declarèt oficialament sa naissença coma mèdia public francés.
Los primièrs messatges que sortiguèron de Radio Tour Eiffel, pasmens, datan de novembre de 1921, fa cent ans, quand foguèron escotats divèrses programas sus la meteorologia e après un pauc de musica. En desembre de 1921 foguèt creada la primièra emission regulara. Sonque qualques personas la poguèron ausir pr’amor qu’avián la celèbre ràdio de galena d’aquela epòca.
Amb los primièrs mots, “adieu-siatz, adieu-siatz, aicí lo pòst militar de la Tor Eiffel...”, comencèron d’emissions regularas a comptar de 16h30 e sonque pendent mièja ora de manièra jornadièra. Pauc après, las emissions duravan dos oras e mièja.
En 1924, la nòva Lei Herriot exigís la creacion d’associacions culturalas publicas jol contraròtle estatal, se se vòl contunhar de far d’emissions de ràdio. Pr’amor d’aquò, Radio Tour Eiffel serà donada a l’Associacion dels Amics de la Tor. En 1925, lo nòu director de la ràdio, Maurice Privat, començarà lo primièr jornal parlat de la planeta.
En 1933, l’estat francés cromparà, tornarmai, Radio Tour Eiffel, e donarà son espaci radiofonic a las emissions de Radio Paris a comptar de 1935. Totun, la marrida qualitat tecnica de la ràdio a partir d’alavetz entraïnarà una plan mendre recepcion dels auditors franceses. En 1939, Radio Tour Eiffel intrarà dins la Radiodifusion Francesa Nacionala mas finirà lèu, en junh de 1940, sas emissions. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que siague Radio France, RMC-BFMTV, France Télévision, Europe 1, RTL, Canal Plus, LCI, C.News,...eca.., fòrça es de constatar que 100 ans aprèp es TOTJORN e DE LONGA "Radio Tour Eiffel" que senhorèja en França. N'ia pron !
E ben per nosaus s'escotava pas la ràdio de Paris, mas " Aqui ràdio andòra "
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari