Actualitats
Rugbi de XIII: Lesinhan es plan lo campion
En cap d’aficha de la dimenjada tretzista, se debanava aqueste dimenge de vèspre lo revenge de la finala passada: lo dèrbi Lesinhan-Carcassona.
Alan Roch
Los locals comptavan sus l’arribada de dos jogaires acostumats de las batèstas de la Superliga: Jason Baitieri e Krisnan Inu. Del costat de Carcassona, entre nafraduras, arribada del fijian retardada e suspension, es una formacion remanejada que se presentava amb dos tres-quarts centre en posicion de segonda-linha.
Dins lo primièr temps, los Molinièrs marcavan dos ensages contra un pels vesitaires, mas ajustavan 4 penalitats mercé a l’indisciplina dels Canaris.
Los carcassoneses tornaràn a nautor a la represa (16-16), mas Lesinhan replicarà, ajustarà una cinquena penalitat abans de signar un darrièr ensag que bota los Jaune e Negre fòra del punt de bònus defensiu: 30-16.
Dissabte, Los Leupards de Vilanòva s’impausèron cò dels Tigres d’Albi: 28-20. Dimenge, Avinhon èra tròp fòrt pels Dragonets: 42-6 e Tolosa ganhava aisidament lo dèrbi de Nauta Garona fàcia a Sent Gaudenç: 36-08.
Tèstes matches de XIII-cadieral
Las formacions anglesa e francesa de XIII-cadieral se rescontraràn dos còps aquesta setmana: dimècres 10 e dissabte 13 a Gillingham. Una brava revista d’efectius un an abans la tenguda de la Copa del Mond.
Del XIII e de l’occitan
Dins una entrevista a L’Indépendant, Fabiana Albèrt, anciana secretària generala de la Federacion, sòcia del Comitat director de Carcassona XIII e conselhièra pedagogica d’occitan d’Aude, respond a una question sul XIII e occitan (revirat del francés): “Coma conselhièra pedagogica en lenga occitana, formi los joves ensenhaires del departament a ensenhar l’occitan e la cultura occitana. Soi doncas plan estacada a aqueste patrimòni. E se, per ara, sèm pas gaire mediatizats e mens coneguts, quand sèm tretzistas, nos cal batre del meteis biais que per l’occitan per dire de reconéisser que se tracta d’una lenga a part entièra e que tot aquò, lo rugbi de XIII tanben, fa partida de nòstra cultura, de nòstre patrimòni.”
Dins lo primièr temps, los Molinièrs marcavan dos ensages contra un pels vesitaires, mas ajustavan 4 penalitats mercé a l’indisciplina dels Canaris.
Los carcassoneses tornaràn a nautor a la represa (16-16), mas Lesinhan replicarà, ajustarà una cinquena penalitat abans de signar un darrièr ensag que bota los Jaune e Negre fòra del punt de bònus defensiu: 30-16.
Dissabte, Los Leupards de Vilanòva s’impausèron cò dels Tigres d’Albi: 28-20. Dimenge, Avinhon èra tròp fòrt pels Dragonets: 42-6 e Tolosa ganhava aisidament lo dèrbi de Nauta Garona fàcia a Sent Gaudenç: 36-08.
Tèstes matches de XIII-cadieral
Las formacions anglesa e francesa de XIII-cadieral se rescontraràn dos còps aquesta setmana: dimècres 10 e dissabte 13 a Gillingham. Una brava revista d’efectius un an abans la tenguda de la Copa del Mond.
Del XIII e de l’occitan
Dins una entrevista a L’Indépendant, Fabiana Albèrt, anciana secretària generala de la Federacion, sòcia del Comitat director de Carcassona XIII e conselhièra pedagogica d’occitan d’Aude, respond a una question sul XIII e occitan (revirat del francés): “Coma conselhièra pedagogica en lenga occitana, formi los joves ensenhaires del departament a ensenhar l’occitan e la cultura occitana. Soi doncas plan estacada a aqueste patrimòni. E se, per ara, sèm pas gaire mediatizats e mens coneguts, quand sèm tretzistas, nos cal batre del meteis biais que per l’occitan per dire de reconéisser que se tracta d’una lenga a part entièra e que tot aquò, lo rugbi de XIII tanben, fa partida de nòstra cultura, de nòstre patrimòni.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fabienne Albert, una femna engajada, militanta e que dona temps e fòrças dins l'espandiment de la cultura occitana en Carcassès ! Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari