L’entrepreneire Elon Musk, l’òme mai ric del Mond segon Bloomberg, fa tornarmai l’actualitat e la polemica suls rets socials. Publiquèt, d’efièch, un sondatge sus Twitter en demandant als usatgièrs se cresián que deviá vendre sas accions de Tesla per pagar sos impòstes, a prepaus d’una nòva taxa sus las grandas fortunas que l’a prepausada lo govèrn dels Estats Units.
 
Tres milions e mièg d’usatgièrs respondèron al sondatge, dont lo 58% diguèron de òc. Sul pic, diluns passat, los títols de Tesla baissèron en linha a la borsa. Es de mal saber quina èra la tòca de Musk amb aquel sondatge, saique voliá vertadièrament far davalar lo prètz de las accions o vertadièrament ne voliá vendre.
 
Cossí que siá, torna lo debat suls impòstes que pagan las grandas fortunas. Elon Musk ne paga pas gaire pr’amor qu’a pas cap de bulletin de remuneracion e que sa fortuna es generada per la creissença de sas accions en borsa, que solament son impausadas quand se vendon. Per tant, deu èsser vertat que lo multimiliardari vend d’accions per pagar d’impòstes.
 
Lo senator estatsunidenc Ron Wyden, a l’iniciativa de la proposicion d’aquel impòst, a dich: “Lo fach que l’òme pus ric del Mond pague o pague pas sos impòstes deuriá pas dependre d’un sondatge sus Twitter. Es arribat lo moment de l’impòst sul revengut dels miliardaris”.
 

Much is made lately of unrealized gains being a means of tax avoidance, so I propose selling 10% of my Tesla stock.

Do you support this?

— Elon Musk (@elonmusk) November 6, 2021

 

Whether or not the world’s wealthiest man pays any taxes at all shouldn’t depend on the results of a Twitter poll. It’s time for the Billionaires Income Tax. https://t.co/KFHw3VZ45H

— Ron Wyden (@RonWyden) November 6, 2021