capçalera campanha

Actualitats

Societat
crotz-tolosaCreated with Sketch.GasconhaBigòrraLavedan

La glèisa catolica francesa vendrà de proprietats per indemnizar las victimas dels abuses sexuals

La mesura, la votèron, a pòrta barrada, los 120 evesques de l’estat francés dins lor conferéncia annadièra que s’acabèt diluns passat a Lorda

| AFP/Valentine Chapuis

Tèxte legit

La glèisa catolica francesa “vendrà de bens immobilièrs de la conferéncia dels evesques e de las diocèsis” per finançar un fons d’indemizacions per las victimas dels abuses sexuals, çò anoncièt diluns passat Éric de Moulins-Beaufort, president de la conferéncia dels evesques de França. La mesura, la votèron, a pòrta barrada, los 120 evesques de l’estat francés dins lor conferéncia annadièra que s’acabèt diluns passat a Lorda.
 
Per determinar qui pòt accedir a aquelas indemnizacions, se constituirà una instància nacionala independenta de reconeissença e de reparacion. Per la dirigir, an nomenat la jurista Marie Derain de Vaucresson, èx-defensora dels enfants, çò rapòrta Libération.
 
Los evesques se reüniguèron a Lorda pendent gaireben una setmana e la mitat de l’agenda èra consagrada a combatre las agressions sexualas contra los menors. Dins aquel sens organizèron una pregària de pentiment e reconeguèron “la responsabilitat institucionala de la Glèisa” dins los centenats de milièrs d’abuses sexuals comeses dempuèi 1950 e raportats fa un mes per una comission independenta.
 
Aquela comission se creèt en 2018 après la revelacion de maites escàndols, e arunan anonciava de donadas esglasiantas, mas las donadas definitivas que se publiquèron lo mes passat son escandalosas. Segon lo rapòrt, 216 000 enfants foguèron victimas d’agressions sexualas entre las mans de clèrgues catolics. Se s’i apond las donadas de las victimas dels laïcs que trabalhan dins l’encastre de la glèisa catolica, alavetz la chifra arriba a las 330 000 victimas. Quant als prèires o monges assalhidors, la comission calcula que son entre 2900 e 3200.
 
 
 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitaluga
5.

#4
Aquò's cercar de parpèlas d'agaças. I a pas qu'a lor far pagar lo loguièr als avèsques, que n'an plan profeitat ; e còmptan ne profitar encara. Vist que l'ostal es dins l'iscla, deu far un molon de sòuses al mètre carrat.

  • 0
  • 2
Frollo
4.

#2 Lo clergat pòt pas vendre çò que li aperten pas.
La nacionalizacion de Nòstra Dòna de París data de 1905.

  • 3
  • 5
Kaifa
3.

#2 trapi l'idèa excellenta !òsca !

  • 5
  • 4
Pitaluga
2.

An pas qu'a vendre Notre Dame pèira per pèira, com lo mur de Berlin. Amb totes los fetichistas de tota mena que trèva lo mond, se faràn pro de dardenas per indemnizar, emai los demorarà un fais de bilhets per far viure lo Vatican.
E a nosautres nos cosatarà pas res : aital l'argent per la restauracion del temple se poirà eplegar per restaurar l'espital public, que n'a plan besonh.

  • 12
  • 5
Franc Bardòu
1.

La glèisa catolica francesa vendrà de proprietats per indemnizar las victimas dels abuses sexuals, un pauc coma se, per exemple, en la pagant, una femna violoda se trobaèsse repairada, un còp pagada coma una prostituïda ! E aquí, s'agissá de victimas menoras !!!

"Il y a eu dans cette histoire des abus, des abus de pouvoir, des dominations malsaines et même des violences et des agressions sexuelles", un pauc coma se, d'ara enlà, non n'i auriá mai !

  • 8
  • 3

Escriu un comentari sus aqueste article