capçalera campanha

Actualitats

InternacionalPoliticaSocietat

Polonha manda sus la frontièra bielorussa 12 000 militars e policièrs per evitar l’intrada de migrants

De centenas d’emigrants e refugiats se tròban sul pas frontalièr Kuźnica Białostocka-Bruzgi

Tèxte legit

De centenas d’emigrants e refugiats se tròban sul pas frontalièr Kuźnica Białostocka-Bruzgi, que separa Polonha de Bielorussia. Aquela nòva rota migratòria fins al centre d’Euròpa ven totjorn que mai frequentada e chepica seriosament l’Union Europèa. De fach, al començament de setembre, la cancelièra alemanda Angela Merkel telefonèt al president bielorús, Aleksandr Lukashenko, per exigir d’el que contrarotlèsse los emigrants en luòc de lor dobrir las pòrtas de l’UE.
 
Suls imatges que viran suls rets socials, se pòt veire de grands grops de personas que caminan sul costat de l’estrada M6 devèrs a la frontièra, après aver passada la nuèch dins de campaments improvisats dins los bòsques. Los govèrns de Polonha e de Bielorussia an installat de militars a la termièra. Del costat polonés an mobilizat 12 000 militars e policièrs “per defendre la frontièra”, çò a dich lo ministre de la defensa polonés.
 
Lo govèrn de Mateusz Morawiecki es a analisar la situacion dins una reünion d’urgéncia a Varsòvia. Mentretant, a la frontièra i a d’afrontaments: los soldats poloneses lançan de gases lacrimogèns a una molonada de migrants qu’ensajan de rompre las barralhas.
 
L’UE acusa lo govèrn bielorús de se servir dels migrants per quichar Brussèlas per fin que lève las sancions impausadas al govèrn de Lukashenko. A mai, Polonha viu una crisi intèrna a causa de la deriva autoritària e conservatritz de l’executiu de Morawiecki, qu’a tanben un conflicte amb l’UE per mancar a l’independéncia judiciària.
 

 
 
 
 



abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Liga pel comptatge dels aucèls
7.

#4
Uèi començam lo comptatge del estruces : 5, pel moment !

  • 0
  • 0
Bodiu
6.

Pourquoi la Biélorussie est accusée de mener une "attaque migratoire" contre l'Europe depuis la frontière polonaise

https://www.francetvinfo.fr/monde/bielorussie/pourquoi-la-bielorussie-est-accusee-de-mener-une-attaque-migratoire-contre-l-europe-depuis-la-frontiere-polonaise_4840991.html

  • 0
  • 0
Bodiu
5.

Auèi acampada dins l'urgenciá del conselh de seguretat de l'ONU.

https://www.francetvinfo.fr/monde/europe/migrants/direct-la-chanceliere-allemande-angela-merkel-demande-a-moscou-d-agir-contre-l-instrumentalisation-des-migrants-par-la-bielorussie_4839769.html



  • 0
  • 0
Pitaluga
4.

Coma i a pas cap de volontat:
1. d'adobar l'estat de la planeta per que tothòm i pòsca trapar lo minimum vital e un pauc mai;
2. de quitar d'escanar plan mai de mièja umanitat per qu'un pichòt tèrç pòsca contunhar de degalhar e polluïr per se poder "realizar" en s'agachant lo monilh;
3. d'arrestar las guèrras ni las activitats de las màfias que son part integranta a granda escala de l'economia mondiala,
aquel vam dels "autres" cap als païses diches occidentals es imparable.

Basta veire:
-coma lo govèrnament passeja la jungla de Calais que se tòrna reconstituïr al cap de 4 jorns;
-las arribadas en Italia
-las arribadas en Espanha
-lo fum de mond que se preissan a las frontièras de l'èst...
-los que son retenguts en Turquia...

Somiem pas : quand se vei las garrolhas pietadosas de la COP a Glasgow, las guèrras semenadas pels Estats units (qu'apuèi se'n van en disent al mond "demerdatz-vos") e plan d'autres, que de caps d'Estat vai-te'n guèrra ne mancam pas, val mai assumir qu'inevitablament, per de rasons de subrevida, veirem arribar un fum de mond a cò nòstre.

  • 3
  • 5
Franc Bardòu
3.

E qué comptan far mai, los militars poloneses, après ? Proclamar l'Anschluss ?

  • 5
  • 6

Escriu un comentari sus aqueste article