Actualitats
Michel exigís una responsa mai ferma contra Bielorussia e considèra legal de bastir un mur a la frontièra
Polonha vòl aumentar la pression amb mai de sancions e Merkel demanda a Putin qu’intercedisca amb Lukashenko
Tèxte legit
Lo president del Conselh Europèu, Charles Michel, a dich que caliá una responsa ferma e unitària a de la grèva situacion sus la frontièra de Polonha e Bielorussia, e a acusat lo president bielorús, Aleksandr Lukashenko, de fomentar l’arribada de milièrs de migrants.
L'UE prepausa d’aumentar las sancions contra Bielorussia, e de n’impausar tanben a las companhiás aerianas que fan venir de gents de l’Orient Mejan. Dins una conferéncia de premsa a Varsòvia, Michel a defendut tanben qu'es legalament possible de pagar amb d’argent europèu un mur per las frontièras exterioras de l'UE, e a demandat d’esclarzir las opcions possiblas per lo bastir, çò que la presidenta de la Comission Europèa, Ursula von der Leyen, apròva pas.
Michel a dich tanben que, se cal, las fòrças de Frontèx se poirián desplegar a la frontièra polonesa, coma se passèt pendent la crisi migratòria en Grècia.
Morawiecki acusa los jornalistas
De son latz, lo primièr ministre polonés, Mateusz Morawiecki, a reclamat a sos sòcis europèus de far créisser la pression amb mai de sancions contra lo govèrn de Lukashenko. Tanben a defendut lo desplegament de la polícia e de l’armada polonesas sus la frontièra e a criticat la preséncia dels mèdias sus plaça pr’amor que difusavan «d’informacions falsas». Dins aquel sens, a quitament assegurat que las camèras intensificavan las provocacions. Per aquela rason, prepausa un centre de premsa près de la frontièra per que los jornalistas ajan un accès rapid a l’informacion.
Merkel demanda a Putin qu’intercedisca
Angela Merkel, qu’es encara cancelièra alemanda, a telefonat a Vladimir Putin per li demandar qu’intercedisca contra “l’instrumentalizacion crusèla e inumana” que la fa dels migrants Lukashenko.
L'UE prepausa d’aumentar las sancions contra Bielorussia, e de n’impausar tanben a las companhiás aerianas que fan venir de gents de l’Orient Mejan. Dins una conferéncia de premsa a Varsòvia, Michel a defendut tanben qu'es legalament possible de pagar amb d’argent europèu un mur per las frontièras exterioras de l'UE, e a demandat d’esclarzir las opcions possiblas per lo bastir, çò que la presidenta de la Comission Europèa, Ursula von der Leyen, apròva pas.
Michel a dich tanben que, se cal, las fòrças de Frontèx se poirián desplegar a la frontièra polonesa, coma se passèt pendent la crisi migratòria en Grècia.
Morawiecki acusa los jornalistas
De son latz, lo primièr ministre polonés, Mateusz Morawiecki, a reclamat a sos sòcis europèus de far créisser la pression amb mai de sancions contra lo govèrn de Lukashenko. Tanben a defendut lo desplegament de la polícia e de l’armada polonesas sus la frontièra e a criticat la preséncia dels mèdias sus plaça pr’amor que difusavan «d’informacions falsas». Dins aquel sens, a quitament assegurat que las camèras intensificavan las provocacions. Per aquela rason, prepausa un centre de premsa près de la frontièra per que los jornalistas ajan un accès rapid a l’informacion.
Merkel demanda a Putin qu’intercedisca
Angela Merkel, qu’es encara cancelièra alemanda, a telefonat a Vladimir Putin per li demandar qu’intercedisca contra “l’instrumentalizacion crusèla e inumana” que la fa dels migrants Lukashenko.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Permetre al mond de viure plan dins son païs. Mas per aquò far, caldriá tres causas :
-que los responsables politics dominèsson lo mercat e pas lo contrari ;
-que los responsables politics aguèsson vertadièrament consciéncia de la catastròfa que nos tomba sus l’esquina ;
-que los responsables politics, que se planhon totjorn que pòdon pas far res perqué lo pòble los ajuda pas, fagan de biais que lo dich pòble aja una vertadièra informacion e pas un condicionament a dich de propaganda e de publicitat.
#6 Çò que perpausem? Ma fe, fatz chara de pas saubre que los país riches zo son mas puei qu'an raubat sens deguna v-onta las richesas d'aquilhs país dichs paubres. Aculir la gent que fan mas fugir la paubretat dins lors país, qu'es afar de justícia. Los país paubres tòrnen mas las peras au sac. Mai que 'n afar d'ospitalitat, qu'es un dever per los país riches de partatjar las richesas 'modelonadas dempuei daus secles de temps. Se prenen lo viraud en plen au mieg de la fàcia aura. Podetz totjorn enautar de las muralhas, lo vent, bufa que bufará tan fòrt que 'chabará per tombar, la muralha, tan nauta siá. Qu'un aisine e 'dòbe l'acuelh daus refugiats, non pas enautar de las muralhas!
#6 Çò que perpausem? Ma fe, fatz chara de pas saubre que los país riches zo son mas puei qu'an raubat sens deguna v-onta las richesas d'aquilhs país dichs paubres. Aculir la gent que fan mas fugir la paubretat dins lors país, qu'es afar de justícia. Los país paubres tòrnen mas las peras au sac. Mai que 'n afar d'ospitalitat, qu'es un dever per los país riches de partajar las richesas 'modelonadas dempuei daus secles de temps. Se prenen lo viraud en plen au mieg de la fàcia aura. Podetz totjorn elevar de las muralhas, lo vent bufa que bufará tan fòrt que 'chabará per tombar, la muralha, tan nauta siá. Qu'un aisine e 'dòbe l'acuelh daus refugiats non pas elevar de las muralhas!
E quant era la meteissa causa a Ongria...?
#5
Sabi poas s'es una solucion, pr'aquò urgís de n'en trobar una çaquelà.
Alavetz de que propausatz ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari