Actualitats
Barcelona: se recordaràn d’Enric Garriga Trullols dètz ans après son decès
Un acte d’omenatge, una messa en occitan e un concèrt remembraràn l’activista que se batèt per far conéisser la realitat occitana en Catalonha
Tèxte legit
Dimècres 17 de novembre, lo Collègi de Doctors e Licenciats en Filosofia e Letras e en Sciéncias de Barcelona aculhirà un acte d’omenatge amb los parladisses de divèrsas personalitats catalanas e occitanas, e un concèrt de la soprano Mireia Latorre.
Dijòus 18 de novembre, se tendrà una messa en occitan dins la glèisa de la Santa Crotz de Bellaterra. L’oficiarà Mn. Jòrdi Passerat e i cantarà Mireia Latorre.
Dissabte 20 de novembre, la soprano Olga Miracle e lo musician Joan Codina faràn un concèrt de musica occitana e catalana en omenatge a Garriga Trullols al Musèu d’Istòria de Catalonha a Barcelona.
A fin de garentir las mesuras anticovid, se cal inscriure per cadun dels eveniments a caoc(a)caoc.cat o al 0034 93 284 36 34.
Enric Garriga Trullols (1926 - 2011) foguèt un engenhaire quimista e activista politic catalan que consagrèt tota sa vida a trabalhar per l’independéncia dels Païses Catalans e a establir de ligams amb Occitània. Dins aquel sens, se batèt longtemps per far conéisser la realitat occitana en Catalonha e favorizar los escambis entre las doas culturas. En 1977 foguèt un dels fondadors del CAÒC.
Acte d'homenatge a Enric Garriga Trullols. Diverses personalitats recordaran la seva vida i obra en defensa de les llengües, les cultures i les identitats nacionals catalana i occitana.
— CAOC (@CAOC_) November 9, 2021
17 de novembre
@cdlcat. Rbla. de Catalunya, 8. Bcn.
18h30
Inscripcions: caoc@caoc.cat pic.twitter.com/DifGMoKBqV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un òme drech.
Faguèt son camin sens s'ocupar dels desfaitistas de tota mena : e qu'aquò a pas de remèdi... e que sèm fotuts... e qu'èra mièlhs abans... e que i arribarem pas...
Se cadun fasiá son prètzfach, coma el, sens ne cercar l’utilitat utilitarista ni la capitada capitalista, n’avançariam plan mai qu’a l’ora d’ara.
Mens de jeremiadas e a l’òbra ! Coma l’Enric.
Lo president del CAOC que duguet durant mai de 40 ans lo carrec. Home d'accion que organizet plan d'excursions per occitania. Home dinamizador mai que bon orador, xarrava un occitan bais.
Un òme de remembrar, coma la sieu incansabla activitat per las relacions occitano-catalanas, menada sens relambi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari