Lo Naut Comissari del govèrn francés a la Nòva Caledònia, Patrice Faure, a anonciat que se manteniá lo referendum lo 12 de decembre, e mai lo movement independentista aja anonciat que i participariá pas pr’amor qu’es pas d’acòrdi per cridar lo mond a votar en plena pandemia. Dins aquel sens, Faure a assegurat que la situacion epidemiologia s’èra melhorada e qu’èra segur de menar a bon tèrme lo referendum, çò rapòrta France Info.
 
Lo 20 d’octòbre passat, lo Front de Liberacion Nacionala Canac e Socialista (FNLKS) faguèt una crida a non participar pas a aquel referendum, qu’es lo tresen e lo darrièr segon los acòrdis de Nouméa.  L’FLNKS considèra qu'es “impossible de far una campanha justa”, en prenent en compte la situacion sanitària e las restriccions en vigor. L’archipèla patís la pièger èrsa de coronavirus dempuèi lo començament de la pandemia e las mesuras que s’i aplican son lo confinament estricte dins las dimenjadas, lo cobrifuòc e las limitacions dels vòls internacionals.
 
Per aquela rason, l’FLNKS prepausa de reportar lo vòte a setembre de 2022, quand es previst que la quantitat de personas vaccinadas serà pus nauta e mai la pandemia serà contrarotlada. A mai, denóncian que l’estat francés vòl far de tot biais lo referendum car per Macron sa prioritat seriá de resòlver los acòrdis de Nouméa jos son mandat presidencial, e mai aquò implique una campanha injusta e una participacion condicionada per las restriccions sanitàrias.
 

La décision du maintien du référendum en #NouvelleCaledonie au 12 décembre a été prise « lors du CDSN sous la présidence du président de la République », a annoncé Patrice Faure dans l’édition spéciale de @ncla1ere. pic.twitter.com/Wfq0LzLVeh

— Vincent Lenoble (@lenoblevincent) November 12, 2021

 

Crisi a Nova Caledònia.
Els independentistes kanaks no participaran en el tercer referèndum d’autodeterminació del 12 de desembre. El FNLKS crida a no participar-hi i el referèndum deixa de tenir sentit. pic.twitter.com/25juoHR4p8

— Josep Lluís Alay (@josepalay) October 20, 2021