Actualitats
Bielorussia menaça l’UE de tampar la canèla del gas e l’UE li impausa d'autras sancions
Lukashenko a menaçat de barrar lo gasoducte Yamal-Euròpa se Polonha empacha l’accès a la frontièra ara que de milièrs de migrants s’i tròban atrapats
Tèxte legit
Lo president bielorús, Aleksandr Lukashenko, enfortís mai encara son braç de fèrre amb l’Union Europèa, en seguida de la crisi dels refugiats a la frontièra entre Polonha e Bielorussia. Lukashenko a menaçat de tampar lo gasoducte Yamal-Euròpa —que transpòrta de gas rus sul territòri europèu— se Polonha barra la frontièra ara que de milièrs de migrants s’i tròban atrapats en tot ensajar de la traversar devèrs l’UE. “Recomandariái als dirigents de Polonha e Lituània e a las autras personas del sang caud que pensèsson abans de parlar”, çò a dich lo president bielorús a l’agéncia estatala d’informacions Belta.
L’UE e los Estats Units considèran d’impausar mai de sancions contra lo govèrn de Lukashenko en responsa a aquela crisi frontalièra e umanitària entre Minsk e Varsòvia. Lo president bielorús a anonciat qu’aviá demandat lo desplegament de las fòrças russas sus la frontièra. De seguir quina serà la reaccion de Moscòu.
La menaça de barrament del gasoducte se produtz a un moment que l’UE patís una crisi energetica fòrta. Lo 20% del gas rus qu’i arriba passa per Bielorussia.
L’UE e los Estats Units considèran d’impausar mai de sancions contra lo govèrn de Lukashenko en responsa a aquela crisi frontalièra e umanitària entre Minsk e Varsòvia. Lo president bielorús a anonciat qu’aviá demandat lo desplegament de las fòrças russas sus la frontièra. De seguir quina serà la reaccion de Moscòu.
La menaça de barrament del gasoducte se produtz a un moment que l’UE patís una crisi energetica fòrta. Lo 20% del gas rus qu’i arriba passa per Bielorussia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot ven de l'Otan, que fan maniobras a la Mar Negre invadint las aigas de Crimea ont i a la basa naval Russa. Non an res mai que far los de l'Otan, s'avian de disodra quan o faguét lo Pacte de Varsovia, e continuan amenaçant la patz mondiala.
braç de fèrre --> virapunhet
Aquelses migrants son emplegats per Aleksandr Lukashenko, per fin de destabilizar europa.
E destabilizar europa fa l'afar d'un flòc de mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari