Actualitats
Kendji Girac torna susprene sos seguidors en cantant en catalan
Nascut en Peiregòrd d’originas nòrd-catalanas, lo celèbre cantador se revendica fièr d’èsser gitano e catalan
Tèxte legit
Kendji Girac es un dels cantadors mai coneguts de l’estat francés a l’ora d’ara. Nasquèt en Occitània, a Peireguers, mas sas originas son de Catalonha Nòrd e sa lenga mairala es lo catalan e mai n’es fièr, coma o a mostrat mai d'un còp. Ara ven de susprene sos seguidors amb un vidèo publicat suls rets socials ont canta en catalan acompanhat a la guitarra per Kema Baliardo, de Chico & The Gypsies.
Fièr d’èsser gitano
Dins l’estiu passat, Kendji faguèt son primièr concèrt a Perpinhan ont revendiquèt sas originas. Après lo concèrt parlava per la television de Catalonha e disiá:
“Soi fièr d’èsser gitano e aicí n’i a fòrça. Es lo primièr còp que fau una entrevista en catalan e aquò m’emplís de jòia perque lo parlàvem totplen a l’ostal quand èri pichon. A causa d’aquò, aguèri de dificultats per aprene lo francés”.
Kendji e lo catalan
Arunan, Kendji Girac s’exclamèt, esmogut d’ausir lo catalan dins lo concors de pichons cantaires de The Voice: “Aquò es de catalan!”, çò diguèt en escotant Maxime, un dròlle rosselhonés qu’interpretava una cançon de Jordi Barre. “Escotar aicí una cançon en catalan… Soi encantat, soi plan fièr”, çò diguèt Kendji après la prestacion. De son latz, Maxime diguèt qu’èl èra “fan de Maître Gims e fièr d’èsser catalan”.
Tanben dins lo videoclip de sa cançon Elle m’a aimé, Kendji fa lusir son catalan, en començant l’istòria amb una convèrsa dins aquela lenga entre el e un amic per las carrièras del centre vila de Barcelona.
Ja en 2014, après ganhar The Voice, lo cantador diguèt publicament que parlava catalan amb “los amics e tanben amb Manuel Valls”, qu’alavetz èra primièr ministre e considerava que lo deviá pas parlar e mai n’aviá vergonha.
Los gitanos catalanofòns d’Occitània
E mai l’estat francés enebisca de far de recensaments etnics, lo sociològ Eugeni Casanova, autor de Els gitanos catalans de França, declara que i a de desenas de milièrs de gitanos catalanofòns per tot l’estat francés, segon d’estimacions aproximativas.
Dins son libre, Casanova explica qu’una lei espanhòla de 1783 aboliguèt l’enebicion qu’avián los gitanos de quitar lo territòri e que plusors partiguèron per l’estat francés en cercant la prosperitat que la podiá suscitar la Revolucion Francesa de 1789. Per aquela rason, i a totplen de comunautats gitanas catalanofònas dins l’estat francés, nombrosas en Catalonha Nòrd, mas tanben en Occitània e endacòm mai.
Fièr d’èsser gitano
Dins l’estiu passat, Kendji faguèt son primièr concèrt a Perpinhan ont revendiquèt sas originas. Après lo concèrt parlava per la television de Catalonha e disiá:
“Soi fièr d’èsser gitano e aicí n’i a fòrça. Es lo primièr còp que fau una entrevista en catalan e aquò m’emplís de jòia perque lo parlàvem totplen a l’ostal quand èri pichon. A causa d’aquò, aguèri de dificultats per aprene lo francés”.
Kendji e lo catalan
Arunan, Kendji Girac s’exclamèt, esmogut d’ausir lo catalan dins lo concors de pichons cantaires de The Voice: “Aquò es de catalan!”, çò diguèt en escotant Maxime, un dròlle rosselhonés qu’interpretava una cançon de Jordi Barre. “Escotar aicí una cançon en catalan… Soi encantat, soi plan fièr”, çò diguèt Kendji après la prestacion. De son latz, Maxime diguèt qu’èl èra “fan de Maître Gims e fièr d’èsser catalan”.
Tanben dins lo videoclip de sa cançon Elle m’a aimé, Kendji fa lusir son catalan, en començant l’istòria amb una convèrsa dins aquela lenga entre el e un amic per las carrièras del centre vila de Barcelona.
Ja en 2014, après ganhar The Voice, lo cantador diguèt publicament que parlava catalan amb “los amics e tanben amb Manuel Valls”, qu’alavetz èra primièr ministre e considerava que lo deviá pas parlar e mai n’aviá vergonha.
Los gitanos catalanofòns d’Occitània
E mai l’estat francés enebisca de far de recensaments etnics, lo sociològ Eugeni Casanova, autor de Els gitanos catalans de França, declara que i a de desenas de milièrs de gitanos catalanofòns per tot l’estat francés, segon d’estimacions aproximativas.
Dins son libre, Casanova explica qu’una lei espanhòla de 1783 aboliguèt l’enebicion qu’avián los gitanos de quitar lo territòri e que plusors partiguèron per l’estat francés en cercant la prosperitat que la podiá suscitar la Revolucion Francesa de 1789. Per aquela rason, i a totplen de comunautats gitanas catalanofònas dins l’estat francés, nombrosas en Catalonha Nòrd, mas tanben en Occitània e endacòm mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Ieu, a aqueles "gitans" de Perpinhan que non gitan gaire, ja que son ciutadans d'una vila e que i demòran, non lor ai parlat ni de "gitanisme", ni de "catalanisme", mas tot simplament en occitan. E m'an parlats coma d'òmes, plan bravess, parlan a un òme, eles dins lor lenga, e ieu dins la mieuna. Çò qu'a la practica, apèli "Catalunya". M'an semblat fòrça simpatics e accessibles, plan corteses e plan obèrts. Coma de gitans catalans, qué. Eles, al mens, parlavan de la lenga dels reis de Majòrca ! M'an parlat, donc, reialament, d'enaut de lor bèla umilitat, en òmes liures. Un remembre plan calorós !
#1 Vertat, los sols e ultims catalans-parlants naturals de Perpinyà son los gitans del barri Sant Jaumes.
Los gitanos catalans de Perpinyà, parlen un català molt bo, cresi que melhor qu' els perpinyanesos. E se senten molt gitanos e catalans. Un cop a un li dirgueri qu' el no semblava gitano, e s'enfadet molt amb mi, quasi es posà violent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari