Lo jornal Libération ven de publicar de vidèos que mòstran de policièrs de la brigada anticriminalitat (BAC) a batre, quitament amb de còps de ponh a la cara, un jove manotat al sòl a Montpelhièr. Una persona qu’assistiguèt a l’agression mandèt los vidèos a Libération. “Sabiái pas qué far d’aquel vidèo, ni tanpauc del remembre traumatic d’aquel moment”, çò ditz l’e-mail qu’acompanhava los filmets.
 
Segon lo servici CheckNews de Libération, lo jove agarrit a una dent copada e s’es vist prescriure quatre jorns d’incapacitat temporària de trabalh (ITT). Un procès aurà luòc lo 3 de març. De fach, lo jove es perseguit per “violéncias sus depositaris de l’autoritat publica” e “otratges” contra los agents que l’ataquèron. Segon son avocat, desira pas de far sa denóncia.
 
Se passèt dins la nuèch del divendres 17 al dissabte 18 de setembre, près de la Plaça de la Comèdia devèrs 6h del matin. Quatre policièrs en civil e sens cap d’identificacion perseguisson de joves festejaires que pintavan amb de fèutres de blòcs de beton davant l’Opèra. Los joves comprenon pas que son de policièrs e un d’eles fugís fins que siá interpelat e agarrit coma o mòstran los vidèos.

 

Violences policières : des vidéos obtenues par @CheckNewsFr montrent un agent de la BAC de Montpellier donner des coups de poing à un homme menotté, au sol. Cet homme est poursuivi pour "violences" sur les agents qui l’ont frappé https://t.co/6I1Gf1X4l1pic.twitter.com/4oVlpg0ge6

— Libération (@libe) November 17, 2021