CAPÇALERA PAIS INVISIBLE

Actualitats

Politica

Los jornalistas de l’estat francés n’an pro de la violéncia de l’extrèma drecha

Denóncian de menaças de mòrt, de cridas al viòl, d'nsultes, lo cibersecutament suls rets socials, l'enebicion de cobrir d’eveniments politics, d'intimidacions...

Zemmour menaça “per rire” de jornalistas amb una arma de guèrra
Zemmour menaça “per rire” de jornalistas amb una arma de guèrra

Tèxte legit

39 societats de jornalistas francesas denóncian sus Mediapart d'èsser victimas de menaças e d’intimidacions de l’extrèma drecha. A mai, exprimisson lor inquietud e interpèlan lo govèrn de Castex e totas las fòrças politicas estatalas.
 
Los jornalistas que cobrisson l’actualitat de l’extrèma drecha planhon de patir de menaças de mòrt, de cridas al viòl, d'nsultes, lo cibersecutament suls rets socials, l'enebicion de cobrir d’eveniments politics, d'intimidacions durant las manifestacions, etc. Aquela violéncia s’es intensificada dins las darrièras setmanas d’un biais “inacceptable”, a cinc meses de l'eleccion presidenciala, “per fin  d’empedir lor trabalh”.
 
Vaicí qualques exemples d’aquelas violéncias que denóncian:
 
Diluns 15 de novembre, lo sit d'informacion Street Press revelèt que plusors jornalistas de Street Press e de Media TV èran estats dirèctament menaçats dins de messatges d'un gropuscul neonazi que lor jonhián una buta sul cap, al mièg de dessenhs racistas supausats representar de musulmans, de jusieus e de negres.
 
Durant una reünion publica d'Éric Zemmour, lo 12 de novembre a Bordèu, los jornalistas de Sud Ouest trobèron l’accès enebit. Aquela posicion l’assumiguèt la còla de Zemmour en la justificant pel tractament jornalistic del quotidian regional d'un eveniment precedent.
 
Una jornalista de Mediapart patís una avalanca de menaças, de cridas a la tuar e a la violar après la publicacion d’una enquista sus de youtubaires d’extrèma drecha.
 
Lo comunicat lo signan las societats de jornalistas, societats de redactors e del personal de: AFP, Arrêt sur images, Arte, BFM TV, Challenges, CourrierInternational, Les Echos, Le Figaro, France 2, France 3 National, franceinfo.fr, franceinfoTV, L'Express, L'Humanité, Journal du Dimanche (JDD), Le Parisien / Aujourd’hui en France, LCI, Libération, JT de M6, Marianne, Mediapart, LCP, Le Media TV, Midi Libre, Le Monde, NRJ Group, L’OBS, Paris Match, Premières Lignes, Radio France, RFI, RMC, RTL, Sept à Huit, Sud-Ouest, Télérama, TF1, La Tribune, TV5MONDE.


 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

JC Dourdet
4.

#1 Ilhs se planhen que l'extrema-drecha vuelhe contròllar los medias coma se passet dins l'Istòria, an tòrt? Me vatz dire que los autres partits los aimarian contròllar tanben, benleu... mas los vòlen pas far se tàiser manca per ""l'informacions"" de l'esfera complotista que ditz beucòp de conarias que se pòden pas laissar dire sens ren far puei que qu'es plan dangierós, IMHO.

  • 7
  • 4
Lo baston per se faire tustar
3.

Entre maites e maites exemples del mesprètz e de la trufaria que patissem de la jornalistalha francèsa, de drecha coma de gaucha, vos sovenètz benlèu d'aquela mapa de las minoritats linguisticas publicada per Télérama d'ont l'occitan èra purament e simplament absent ?
Alara, cossi aver la mendra compassion o solidaritat amb aquela casta auturenca de besuquets parisencs que al sicut de la lenga nòstra practican en tota impunitat lo negacionism ?

  • 15
  • 10
Falsetat e Desmesura
2.

Quand la jornalistalha francesa qu'es din s son ADN unanimament d'ideologia jacobina e parisenco-centrada, e majoritàriament al servici respectuós de la propaganda del govèrn central, quin que siague, se planh d'ésser intimidada dins sa sembla-independència ,es l'espital que se trufa de la caritat. Fan pensar al Macron qu'ensaja de se far passar blanc coma nèu fàcia als missantasses Zemmour o Le Pen. O a la Glèisa dels sègles passats que presentava çò qu'èra ni mai ni mens qu'una rivalitat per prene lo poder suls potents coronats de l'epoca coma la lucha vertuosa del Ben contra lo Mal. Lo Papa val pas pus que lo rei, Macron val pas pus que Zemmour, e la jornalistalha francesa qu'es parisenco-centrada e nacional-jacobina val pas pus que l'extrèma drècha francesa, parisenco-centrada e nacional-jacobina.
Tempèsta din un gòt d'aiga que de longa es mespresent de nosautres occitans.

  • 22
  • 15
pierre lachaud
1.

Mas perqué tots aqueus jornaus se planjan? An pas pron de legissors mesme en estant subvencionna. I aura una extrem-dreicha que lòr dictaria sas quatrs volontats? Alaidonc quò seria un estat dins l'estat.
E los petits jornaus que son qualifiats de 'lanceurs d'alerte" sur internet que veisan lòr site suprimar sens rason se planjarian pas? I a segur quauqu'a ren que vira pas redond.

  • 17
  • 15

Escriu un comentari sus aqueste article