Actualitats
La còla de Didier Raoult denóncia de falsificacions sus l’idroxicloroquina
Lo scientific foguèt portat al pinacle pendent la primièra èrsa de la pandemia, mas coneis una davalada vertiginosa, ara qu'es questionat pels mèdias, per las autoritats e per sa còla
Tèxte legit
Lo professor Didier Raoult es totjorn a la una dels mèdias. Segon Mediapart, plusors membres de sa còla denóncian de pressions exercidas pel professor e la falsificacion de resultats scientifics per demostrar l’eficacitat de l’idroxicloroquina coma tractament de la covid-19.
“Lei resultats presentats devon correspòndre ais ipotèsis fachas per Didier Raoult. Dins lo cas contrari, lei personas concernidas pòdon èsser desvalorizadas publicament amb mesa en dobte de sei competéncias”, çò declara als jornalistas de Mediapart un membre de la còla.
Raoult foguèt portat al pinacle pendent la primièra èrsa de la pandemia, mas ara coneis una davalada vertiginosa: es d’efièch questionat pels mèdias, per las autoritats e desenant per sa còla que parla quitament de “culte de la personalitat” amb la “difusion de vidèos de Raoult en bocla dintre la bastissa.” Dins aquel clima, denóncian qu'un grand nombre de resultats de PCR de pacients tractats amb d’idroxicloroquina serián estats modificats après que Raoult metèt en vacanças sos mètges biologistas.
Raoult es especialista en malautiás infecciosas e director de l’Institut Espitalouniversitari Mediterranèa Infeccion de Marselha. Sos estudis sul gariment de la malautiá per mejan de l’idroxicloroquina virèron dins lo Mond en i portant una esperança. Coma membre del conselh scientific creat per l’estat francés que trabalha per luchar contra la covid-19, venguèt un dels scientifics mai citats dins las publicacions scientificas. En qualques escasenças faguèt de declaracions polemicas que l’an tresmudat en personatge controversiat.
“Lei resultats presentats devon correspòndre ais ipotèsis fachas per Didier Raoult. Dins lo cas contrari, lei personas concernidas pòdon èsser desvalorizadas publicament amb mesa en dobte de sei competéncias”, çò declara als jornalistas de Mediapart un membre de la còla.
Raoult foguèt portat al pinacle pendent la primièra èrsa de la pandemia, mas ara coneis una davalada vertiginosa: es d’efièch questionat pels mèdias, per las autoritats e desenant per sa còla que parla quitament de “culte de la personalitat” amb la “difusion de vidèos de Raoult en bocla dintre la bastissa.” Dins aquel clima, denóncian qu'un grand nombre de resultats de PCR de pacients tractats amb d’idroxicloroquina serián estats modificats après que Raoult metèt en vacanças sos mètges biologistas.
Raoult es especialista en malautiás infecciosas e director de l’Institut Espitalouniversitari Mediterranèa Infeccion de Marselha. Sos estudis sul gariment de la malautiá per mejan de l’idroxicloroquina virèron dins lo Mond en i portant una esperança. Coma membre del conselh scientific creat per l’estat francés que trabalha per luchar contra la covid-19, venguèt un dels scientifics mai citats dins las publicacions scientificas. En qualques escasenças faguèt de declaracions polemicas que l’an tresmudat en personatge controversiat.
[#Enquête] Les équipes de #DidierRaoult dénoncent les falsifications de leur patron sur l’hydoxychloroquine – par @p_pascariellohttps://t.co/ax1I9v6kf0
— Mediapart (@Mediapart) November 19, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Raoult «questionat per las autoritats e per sa còla» es pas completament nou.
Lei novas revelacions son particularament gravas, es un gras mai naut, mai ja abans de la COVID sa gestion de mandarin autoritari a pausat de problemas. Cresi qu'es en 2017 que li a agut una mobilisacion dei sindicats contra sa gestion, e fin finala lo CNRS/INSERM a trencat totei sei ligams ambé l'IHU per pas tombar dins la merda. Abans, lo CNRS era une autoritat de co-tutèla.
Mas 'na remarca: qu'es me o lo titre de l'article laissa pensar que qu'es la còla de Raoult que fuguet la cibla d'atacas qu'an falsifiat los resultats sus l'idroxicloroquina? L'article ditz lo contrari, que qu'es Raoult qu'a modifiat los resultats, non?
L'art de la dictatura es d'engageat una polemica. Aitau l'òm ganha dau temps. La dictatura a tots los medias per ela mas lo desbat es vòstra santat, vòstra libertat e avetz pas totjorn besonh de creire la dictatura mesme si se pare daus melhors medecins que jamai poriatz sopçonar de malonestetat. La corupcion mena la dansa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari