capçalera campanha

Actualitats

InternacionalPoliticaSocietat

De protèstas en Euròpa contra lo vaccin obligatòri e lo confinament

A Rotterdam, los rambalhs per carrièras an daissadas sèt personas nafradas per las balas de la polícia

Tèxte legit

La dimenjada passada, se tenguèron de protèstas, un pauc pertot en Euròpa, contra lo durciment de las restriccions per evitar d’infeccions de covid-19.
 
A Viena, manifestèron dimenge environ 40 000 personas contra lo confinament que lor anava arribar l’endeman e contra lo caire obligatòri del vaccin. Aquí, las autoritats vòlon impausar a totes los non-vaccinats un confinament obligatòri illimitat.
 
D’autre latz, a Zagrèb, la capitala de Croàcia, aperaquí 15 000 manifestants, segon los mèdias, desfilèron contra lo passador sanitari, obligatòri dempuèi ièr dimars per intrar dins totas las bastissas publicas. A aquela manifestacion participèron de dirigents coneguts e l’extrèma drecha.
 
La reaccion mai violenta la vegèrem dins la vila neerlandesa de Rotterdam, dins l’oèst dels Païses Basses. Los rambalhs per carrièras daissèron sèt personas nafradas per las balas de la polícia, e mièg centenat de detenguts. Lo cònsol màger de la vila, Ahmed Aboutaleb, planguèt “l’orgia de violéncia” e assegurèt que la polícia èra estada obligada de traire las armas e mai de tirar. Los Païses Basses an impausat un confinament de tres setmanas a causa de la crescuda d’infeccions de covid-19.

 
 
 
 

abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
3.

A se vacunar s'a dit los qu' encara no s'an vacunat. Fora paur ni manias. Edavant coma los d'Alacant ! Se tenia qualque alergia los sanitaris ja no vos vacunaran, mas s' estatz sans coma un alh, a se vacunar per reforçar se. Que los occitans e catalans no tenim paur de res. Som valents.

  • 2
  • 2
Paul POINTE-à-PITRE
2.

Tirer à balles réelles sur des fachistes, antivax ou Gilets jaunes, est parfaitement légitime pour sauver la démocratie des gens de bien.

  • 1
  • 4
Franc Bardòu
1.

Lo còssol màger de la vila, Ahmed Aboutaleb, planguèt “l’orgia de violéncia” e assegurèt que la polícia èra estada obligada de traire las armas e mai de tirar. Aital sèm assegurats que la fascizacion generalizada d'Euròpa se pòrta fòrt plan, amb o sense vaccinacion. Tirar a balas realas sus la populacion contestatària quand manifèsta contra l'autoritarisme desaviat en país siá disent democratic, aquò non n'es una, "orgia de violéncia" ? Vivèm un periòdi de mèrda plan caracteristic d'una remontada del fascisme, a l'evidéncia.

  • 10
  • 2

Escriu un comentari sus aqueste article