Lo govèrn d’Afganistan a enebida la preséncia de femnas dins las sèrias e los filmes. Atal o a demandat a las televisions del país lo Ministèri taliban per la Promocion de la Vertut e la Prevencion del Vici. “Es pas una nòrma, mas de directivas religiosas”, çò a dich lo pòrtavotz del ministèri, Hakif Mohajir, en tot precisar que la mesura cèrca de “garentir los dreches e lo prestigi de totes los ciutadans [...] mai que mai de nòstras sòrres”. Tanben s’interditz “los filmes estrangièrs o nacionals que promògan las culturas e las tradicions estrangièras”.
 
Après lor retorn al poder, los talibans avián anonciada de moderacion. E de fach, aquesta mesura es mai moderada que la del regim de 1996 a 2001. Alavetz, aquel meteis ministèri proïbiguèt dirèctament la television, la musica, la dança e tota sòrta de divertiment en foetant publicament las personas presas a agachar la television. Los aparelhs èran destruches.
 
La cinesta afgana Sahraa Karimi, de l’exili estant, remembra sus Twitter que “los talibans an exclusas las femnas de l’espòrt, de l’educacion, del trabalh e ara las fòrabandisson del cinèma e rendon l’hijab obligatòri”. Dins aquel sens se demanda: “Qual pensava que los talibans s’èran reformats?”.
 
 

The Taliban banned women from sport, education, work and today they officially banned women from #cinema and made Hijab mandatory for female anchors. I am wondering what the die-hard lobbyists who were convinced that the "Taliban are reformed" think about this. #Afghanistanhttps://t.co/4H7Z98IyCS

— Sahraa Karimi/ صحرا كريمي (@sahraakarimi) November 21, 2021