Lo 25 de novembre foguèt declarat jorn internacional contra la violéncia de genre en julhet de 1981, dins l’encastre de la primièra Trobada Feminista de l’America Latina e de la Cariba, que se debanèt a Bogotà (Colómbia). En aquela amassada las femnas denoncièron la violéncia de genre dins lo domeni domestic e mai la violacion e lo secutament sexual dins lo domeni dels govèrns, en i inclusent la tortura e los abuses que patissián fòrça presonièras politicas.
 
Se causiguèt aquel jorn per commemorar lo violent assassinat de las sòrs Mirabal (Patria, Minerva e Maria Teresa), tres activistas politicas assassinadas lo 25 de novembre de 1960 mentre qu’anavan a Puerto Plata per vesitar lors marits empresonats, en mans de la polícia secreta del dictator Rafael Trujillo en la Republica Dominicana. Dedé Mirabal, que demòra en Belgica, es l’unica de las quatre sòrres qu’a subreviscut. Lors cadavres estroçats apareguèron al fons d’una barranca. Pel movement popular e feminista de la Republica Dominicana, istoricament, aquelas femnas an simbolizat la lucha e la resisténcia. En 1999, l’ÒNU oficializèt lo 25 de novembre coma Jorn Internacional per l’Eliminacion de la Violéncia contra las Femnas.
 

Aguest dijaus, #25deNoveme, Dia Internacionau contra era violéncia masclista, Aran va dera man tà méter fin ad aguesta lacra sociau.

‼Un dia tà visibilizar sociaument eth patiment des victimes e tà mostrar publicament eth supòrt institucionau ena luta contra eth masclisme. pic.twitter.com/koSgLnPNvN

— Conselh Generau d'Aran (@conselharan) November 23, 2021

 

DIA INTERNACIONAU DERA ELIMINACION DERA VIOLÉNCIA CONTRA ERA HEMNA | Aué, 25 de noveme, se denóncie era violéncia fisica e psicologica que s'exercís sus es hemnes en tot eth mon.

Er Ajuntament de Vielha se some ara jornada, en tot anar dera man contra era violéncia masclista. pic.twitter.com/1e1e3Iewpm

— Vielha e Mijaran (@vielhaemijaran) November 25, 2021