Actualitats
Dijòus al CIRDÒC, jornada sus Armand Keravel e Robèrt Lafont
Una jornada d’estudis del Centre Internacional de Recèrca e de Documentacion Occitanas consagrada a doas personalitats del militantisme en favor de l’ensenhament de las lengas autoctònas de l’estat francés
Tèxte legit
Lo CIRDÒC - Institut Occitan de Cultura programa una jornada d’estudis lo dijòus 2 de decembre venent, consagrada a doas personalitats del militantisme en favor de l’ensenhament de las lengas dichas regionalas en França: Armand Keravel e Robèrt Lafont.
Aicí lo programa detalhat:
Aquela jornada s’organiza dins l’encastre del projècte de recèrca Rebelle-CollEx (Republica locala de las letras – Analisi del foncionament del jòc literari en Bretanha entre 1946 e 1977) que recampa non solament lo Centre de Recèrca Bretona e Celtica e lo CIRDÒC mas tanben l’Universitat de Bretanha Occidentala e l’Universitat Pau Valèri-Montpelhièr III.
Aquel partenariat documentari a per tòca de seleccionar e numerizar de documents d’archius que tractan dels malhums de sociabilitat qu’existisson dins los domenis literaris breton e occitan dins la segonda mitat del sègle XX. Mai especialament, lo projècte s’interèssa a la correspondéncia entre Armand Keravel e Robèrt Lafont dintre los movements de defensa de las lengas dichas regionalas.
De notar qu’i se pòt assistir a distància en segre lo ligam Zoom indicat sul sit web de l’eveniment.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari