Los actors Brad Pitt e Angelina Jolie se son associats a una familha de vinhairons, los Perrin(s), per esplechar de vinhas dins lor proprietat del castèl de Miravau, a Correns (Brinholenc). Dempuèi lo mes de març, doncas, sus de botelhas de vin de “Miravau Còstas de Provença”, se poirà legir “mes en botelha per Jolie-Pitt & Perrin”.
Los actors crompèron lo Castèl de Miravau a Correns, en 2008, per qualques 40 milions d’èuros. La bastissa del sègle XVII, dins lo país de Brinhòla, es entornejada per 500 ectars de tèrras qu’entre elas n’i a aperaquí 60 que son de vinhas.
Al contrari de la majoritat dels actors que se son establits en Occitània en produsent de vin, Angelina Jolie e Brad Pitt vòlon pas solament metre lor nom sus la botelha mas tanben s’implicar, segon çò qu’a dich lor sòci Marc Perrin, vinhairon proprietari de qualques vinhas. “Vòlon èsser fièrs del vin produch sus lor proprietat. Meton l’excelléncia en examen, de verai”, çò a dich Perrin a l’AFP. “Sèm doas familhas al servici del domeni”, çò a apondut.
Per la futura apelacion “Miravau Còstas de Provença”, Marc Perrin parla de 150 000 botelhas de rosat pel primièr an, mesas sul mercat “a l’entorn de 15 èuros” per unitat, çò que fa un total de 2,25 milions d’èuros. Vòlon vendre aquel vin “als bons cavistas e als bons restaurants”.
Per los que desiran aver un avantgost del vin de la proprietat Miravau, la cubada Pink Floyd, amb lo certificat d’agricultura biologica, se pòt ja crompar a 13,5 èuros per botelha.
Los actors crompèron lo Castèl de Miravau a Correns, en 2008, per qualques 40 milions d’èuros. La bastissa del sègle XVII, dins lo país de Brinhòla, es entornejada per 500 ectars de tèrras qu’entre elas n’i a aperaquí 60 que son de vinhas.
Al contrari de la majoritat dels actors que se son establits en Occitània en produsent de vin, Angelina Jolie e Brad Pitt vòlon pas solament metre lor nom sus la botelha mas tanben s’implicar, segon çò qu’a dich lor sòci Marc Perrin, vinhairon proprietari de qualques vinhas. “Vòlon èsser fièrs del vin produch sus lor proprietat. Meton l’excelléncia en examen, de verai”, çò a dich Perrin a l’AFP. “Sèm doas familhas al servici del domeni”, çò a apondut.
Per la futura apelacion “Miravau Còstas de Provença”, Marc Perrin parla de 150 000 botelhas de rosat pel primièr an, mesas sul mercat “a l’entorn de 15 èuros” per unitat, çò que fa un total de 2,25 milions d’èuros. Vòlon vendre aquel vin “als bons cavistas e als bons restaurants”.
Per los que desiran aver un avantgost del vin de la proprietat Miravau, la cubada Pink Floyd, amb lo certificat d’agricultura biologica, se pòt ja crompar a 13,5 èuros per botelha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E apuèi partiràn en Rusia coma lo Gege ?
Per un còup que de celebritats vènon en Occitània e mai particularament en Provença per far autra cauva que de se bronzar ò d'investir dins la peira ambé vista sus mar, lo fau sinhalar. Vòu dire que s'interèsson un pauc a la cultura dau país. Que per elei a encar de valor de trabalhar la terra ambé de gents dau canton.
Faudriá lei rengraciar de s'investir dins l'excelléncia de l'agricultura dau país. E se au passatge sostènon una calandreta, fariá pas de mau en mai !
Avèm pas gaire besonh de Brad Pitt e Angelina Joli per qu'un vin nos agrade. Estimi mai lo vin que se ditz Pescaluna. E aqueles productors son las gents del país (de Correns). E me podètz creire, aquel Pescaluna es un vin requist que requist !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari