Actualitats
Los presonièrs d’ETA vòlon pas pus de benvengudas publicas
Dison que comprenon la dolor de cèrtas personas dins las ceremònias popularas d’aculhença que se tenon cada còp qu’un presonièr es liberat
Tèxte legit
Los presonièrs condemnats per far partida d’ETA vòlon que, desenant, las benvengudas quand quitan la preson se fagan d’un biais privat e discret, çò rapòrta Berria. Segon un comunicat del collectiu dels presonièrs bascos, Etxerat, mai d’una persona lor aurián mostrat lor dolor dins aquelas ceremònias popularas d’aculhença que se tenián cada còp qu’un presonièr èra liberat.
Es en comprenent aquela dolor qu’an decidit qu’aquelas aculhenças ajan luòc d’un biais privat. Lo collectiu dels presonièrs assegura que sa tòca es “d’aleugerir lo patiment e de dobrir de nòvas oportunitats, de garir las plagas e de refortir la convivéncia dins lo pòble basco”. Per prene aquela decision an consultat totes los presonièrs.
Segon Etxerat, a l’ora d’ara i a 194 presonièrs dispersats dins de presons dels estats espanhòl e francés, dont 16 dins de presons occitanas (12 a Lanamesa, 3 al Mont de Marsan e 1 a Murèth).
Es en comprenent aquela dolor qu’an decidit qu’aquelas aculhenças ajan luòc d’un biais privat. Lo collectiu dels presonièrs assegura que sa tòca es “d’aleugerir lo patiment e de dobrir de nòvas oportunitats, de garir las plagas e de refortir la convivéncia dins lo pòble basco”. Per prene aquela decision an consultat totes los presonièrs.
Segon Etxerat, a l’ora d’ara i a 194 presonièrs dispersats dins de presons dels estats espanhòl e francés, dont 16 dins de presons occitanas (12 a Lanamesa, 3 al Mont de Marsan e 1 a Murèth).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Totun, depend quinas victimas : del temps que las victimas èran de vertadièras putaranhas de franquistas, non m'aurián fait gaire plorar. Mas pel long darrièr periòdi, segur qu'es quicòm mai.
#1 Tot prumèr, que son monde qui an balhat dètz, vint, trenta ans de la lor vita qui prenen aquera decision. En segondas, arrasar lo varat enter los abertzales radicaus e las victimas deu terrorisme qu'ei estat ua preocupacion constanta de l'abertzalisme despuish qui l'ETA a deishat d'agir. Arnaldo Otaegi que declarè au tot principi que calè pensar au sofriment deus presoèrs, mes tanben au de las victimas.
"mai d’una persona lor aurián mostrat lor dolor dins aquelas ceremònias popularas d’aculhença "
De qué vòu díser ? Quau ei lo ligam dab la fin deus ongi etorri ? Pr'amor ne vòlen pas mei véser "la dolor" de "mai d'una persona" ?
A mon avís, qu'ei sustot que lo colectiu segueish l'estrategia politica de l'esquèrra abertzale de voler oblidar aqueras annadas e los 40 ans de luta dura. Après abandonar la mobilizacion per l'amnistia, qu'abandònan los ongi etorri. Lèu be jutjaràn que son las herriko (los estanquets ligats au movement) que son tròp clivantas, e anonciaràn que se transfòrman en casa d'arculh de las victimas.
Los qu'an balhat trente ans de sa vita en preson o en exili ja pòden engolir la saliva e díser amen.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari