Actualitats
An nomenat president d’Interpòl un general emirati acusat de torturas
Segon d’organizacions umanitàrias, Ahmed Nasser Ar Raisi fa “partida de l’aparelh de seguretat qu’ataca sistematicament de personatges critics e pacifics”
Tèxte legit
Lo general dels Emirats Arabis Units Ahmed Nasser Ar Raisi es estat elegit nòu president de l’Interpòl, l’agéncia mondiala de la polícia qu’a sa sedença dins la vila arpitana de Lion. Lo militar es estat elegit en despièch de l’oposicion de plusors organizacions pròdreches umans, que l’acusan de torturas. D’efièch, es senhalat per qualques denóncias per “tortura” en França e Turquia.
Ar Raisi es lo cap de las fòrças de seguretat dels Emirats Arabis Units e sa nominacion se produtz pauc après que los Emirats an fach un apòrt considerable de fonzes a l’Interpòl. Aquò s’apond a mai d’una acusacion contra las autoritats emiratis d’abusar del sistèma d’alèrta de l’agéncia per secutar de dissidents politics.
En octòbre d’arunan, una vintena d’ONG, dont Human Rights Watch, exprimiguèron lor chepic per l’eventuala nominacion d’Ar Raisi pr’amor que consideravan que fasiá “partida de l’aparelh de seguretat qu’ataca sistematicament de personatges critics e pacifics”.
Pasmens, Ar Raisi exercirà un ròtle sustot ceremonial pendent son mandat de quatre ans. Lo secretari general d’Interpòl, Jürgen Stock, es lo dirigent encargat de gerir l’organizacion.
Ar Raisi es lo cap de las fòrças de seguretat dels Emirats Arabis Units e sa nominacion se produtz pauc après que los Emirats an fach un apòrt considerable de fonzes a l’Interpòl. Aquò s’apond a mai d’una acusacion contra las autoritats emiratis d’abusar del sistèma d’alèrta de l’agéncia per secutar de dissidents politics.
En octòbre d’arunan, una vintena d’ONG, dont Human Rights Watch, exprimiguèron lor chepic per l’eventuala nominacion d’Ar Raisi pr’amor que consideravan que fasiá “partida de l’aparelh de seguretat qu’ataca sistematicament de personatges critics e pacifics”.
Pasmens, Ar Raisi exercirà un ròtle sustot ceremonial pendent son mandat de quatre ans. Lo secretari general d’Interpòl, Jürgen Stock, es lo dirigent encargat de gerir l’organizacion.
Mr Ahmed Nasser AL RAISI of the United Arab Emirates has been elected to the post of President (4-yr term). pic.twitter.com/pJVGfJ4iqi
— INTERPOL (@INTERPOL_HQ) November 25, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
An crompats los "rafales", an crompat los espòrts e ara crompan la polícia.
Un còp de mai, se pausa la question : De qué servisson los govèrnaments que se pretendon democratics ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari