Actualitats
Grândola Vila Morena a fach calar lo primièr ministre portugués
La presidenta de l’assemblada a permés a un grop de manifestants de cantar la cançon de la Revolucion de las Girofladas
Lo primièr ministre portugués, lo conservator Pedro Passos Coelho, comencèt de parlar divendres passat a la tribuna de l’assemblada de Portugal, quand foguèt interromput per un grop de gents que i aviá en las cadièras del public dins la cambra, e aquel grop se levèt e cantèt Grândola Vila Morena. Aquela cançon de José Afonso, enebida pel regim de Salazar, sonèt a la ràdio la matinada del 25 d’abril de 1974 e venguèt lo detonador de la Revolucion de las Girofladas.
Passos Coelho se calèt. Soriguèt. Ensagèt de reprene la siá intervencion per parlar del Conselh Europèu, mas capitèt pas. E la presidenta de la cambra decidiguèt d’interrompre la session pendent doas minutas per que lo public poguèsse acabar de cantar la cançon e que se n’anèsson puèi. Los manifestants fan partida del movement Que se Lixe a Troika (Que se Fota la Tròica, en portugués), qu’a organizat de manifestacions multitudinàrias en Portugal contra las politicas de reduccions budgetàrias. Un pòrtavotz d’aquel grop diguèt qu’avián cantat la cançon dins lo parlament per remembrar al govèrn e als deputats que “qui comanda es lo pòble”.
Passos Coelho se calèt. Soriguèt. Ensagèt de reprene la siá intervencion per parlar del Conselh Europèu, mas capitèt pas. E la presidenta de la cambra decidiguèt d’interrompre la session pendent doas minutas per que lo public poguèsse acabar de cantar la cançon e que se n’anèsson puèi. Los manifestants fan partida del movement Que se Lixe a Troika (Que se Fota la Tròica, en portugués), qu’a organizat de manifestacions multitudinàrias en Portugal contra las politicas de reduccions budgetàrias. Un pòrtavotz d’aquel grop diguèt qu’avián cantat la cançon dins lo parlament per remembrar al govèrn e als deputats que “qui comanda es lo pòble”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Grândola vila morena,
terra de fraternidade,
o povo è quem mais ordena
dentro de ti ô cidade."
Cal remembrar tanben que Zeca Afonso moriguèt casi doblidat, malaute e sens argent. Un punhat d'artisttas faguèt un recital per reunir un pauc de moneda per li balhar. Benlèu una situacion premonitòria al daissar faire d'ara.
Ei plan de bremba qu'ei "lo pòble qui comanda", mès n'ei pas brica la vertat. Los qui mian son los rics per mejan deus politics e deus médias.
L'engana deu deute ei un escandal qui pertòca Euròpa tota, gràcias a la complicitat deus médias (Lhevat lo Jornaler, solide !!) qui escon la vertat au pòble, mantengut dens l'error.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari