Auèi, lo projècte Calandreta dins la vila de Carcassona s’articula a l’entorn de tres estructuras. La primièra, localizada dins lo quadre remirable de la Ciutat medievala, existís dempuèi la rintrada 1994. La segonda es installada dempuèi 2011 sul site del Puèg Marin, ont aprofiècha un encastre environamental fòrça privilegiat. En 2015, se dubriguèt l’escòla La Rosèla dins la comuna de Viladubèrt, que malgrat que siá pas la meteissa associacion, fonciona amb las escòlas de Carcassona. Los tres sites trabalhan en ligason estreita e collabòran a l’entorn de nombroses projèctes pedagogics e associatius. Los calandrons se rescontran sovent per de talhièrs a prepaus del projècte òrt, per de sortidas o per de moments festius.
Los tres sites prepausan un ensenhament de la mairala (tre 2 ans) a la fin del primari (CM2). Los mainatges de mairala e de primari son aculhits amassa. Los calandrons dispausan de las meteissas vacanças escolaras que las autras escòlas de la vila.
Dempuèi l’an passat, los enfants escrivon d’articles que son publicats sul padlet de las classas. Aqueste padlet remplaça lo jornal de classa (aisina de la pedagogia institucionala ) e permet als enfants d’escriure per partejar lor vida a l’escòla o las istòrias qu’an enveja de publicar.
Es d’aquí que son tirats los articles que vos prepausarem regularament.
La còla pedagogica de las escòlas de Carcassona
Jornalet a l'escòla
Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Del ostal mieu se pòt veser aquel Puèg Marin e pensavi ferme que son nom li venià del sieu emplaçament geografic : jol buf del vent marin. Mas non, es un solet doblet onomastic amb mar = mont. Dempuèi descobriguèri maîtes autres Puèg-Marin.
Viscan las calandretas.
Puèg "Mary" ? Volètz dire lo Puèg Marin, situat cap a la mar Mediterranèa, en fintat, de la pòrta narbonesa de la Ciutat de Carcassona estant, cap a l'est ? Urosa e fegonda capitada, dins la durada longassa, a aqueste projècte preciós !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari