Actualitats
An liberat l’òme arrestat a París a prepaus de l’assassinat del jornalista Jamal Khashuqji
Las autoritats asseguran que lo detengut a pas res a veire amb l’afar e que l’arrestacion es estada un cas de confusion d’identitat
An liberat a París lo ciutadan saudian que foguèt arrestat per error dimars a l’aeropòrt de París Charles de Gaulle. L’avián confondut amb un dels presumits assassins del jornalista Jamal Khashuqji (sovent transcrich Khashoggi), çò rapòrta Libération. Interpòl aviá establit un mandat de recèrca e d’arrèst per 20 personas suspèctas.
La detencion es arribada qualques jorns solament après la virada polemica d’Emmanuel Macron pels païses del golf Persic, car es estat lo primièr president a rompre l’isolament diplomatic infligit al prince Muhammad Bin Salman, òme fòrt del reialme saudian que lo considèra l’ÒNU coma responsable de l’assassinat de Khashuqji.
Khashuqji foguèt assassinat dins lo consolat saudian a Istambol en octòbre de 2018 per un comando qu’èra exprèssament partit del reialme arabi, pretendudament amb l’intencion de lo convéncer que tornèsse al país, perque viviá en exili als Estats Units. L’afar damatgèt fòrça l’imatge internacional de la monarquia saudiana, mai que mai del prince eiretièr Muhammad Bin Salman. L’ÒNU assegurèt qu’aviá de pròvas qu’implicarián lo prince.
En setembre de 2020, se jutgèt en Arabia Saudita cinc personas per aquel assassinat en las condemnant a 20 ans de preson. La nauta comissària de las Nacions Unidas per las execucions extrajudiciàrias, Agnes Callamard, qualifiquèt l’audiéncia de “parodia de justícia”. Mentretant en Turquia, an jutjat, en lor abséncia, una vintena de ciutadans saudians per aquel crime.
La detencion es arribada qualques jorns solament après la virada polemica d’Emmanuel Macron pels païses del golf Persic, car es estat lo primièr president a rompre l’isolament diplomatic infligit al prince Muhammad Bin Salman, òme fòrt del reialme saudian que lo considèra l’ÒNU coma responsable de l’assassinat de Khashuqji.
Khashuqji foguèt assassinat dins lo consolat saudian a Istambol en octòbre de 2018 per un comando qu’èra exprèssament partit del reialme arabi, pretendudament amb l’intencion de lo convéncer que tornèsse al país, perque viviá en exili als Estats Units. L’afar damatgèt fòrça l’imatge internacional de la monarquia saudiana, mai que mai del prince eiretièr Muhammad Bin Salman. L’ÒNU assegurèt qu’aviá de pròvas qu’implicarián lo prince.
En setembre de 2020, se jutgèt en Arabia Saudita cinc personas per aquel assassinat en las condemnant a 20 ans de preson. La nauta comissària de las Nacions Unidas per las execucions extrajudiciàrias, Agnes Callamard, qualifiquèt l’audiéncia de “parodia de justícia”. Mentretant en Turquia, an jutjat, en lor abséncia, una vintena de ciutadans saudians per aquel crime.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Après la visita calurosa de Macron al comandatari de l'assassinat de Kashoghi, èra pas pensable qu'aguèsson arrestat a de bon un dels assassins en França.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari