Lo Conselh dels Dreches Umans de l’Organizacion de las Nacions Unidas avertiguèt dimècres passat que las sancions impausadas a cèrts païses greujavan seriosament de femnas, d’enfants e d’autres grops de populacion vulnerables dels païses afectats.
 
Segon la raportaira de l’ÒNU pels dreches umans, Alena Douhan, las mesuras d’aquela mena atemptan contra los dreches umans de cèrts collectius d’aqueles païses, mai que mai “d’indigènas, d’andicapats, de refugiats, de desplaçats intèrnes, de migrants, de mond en situacion de pauretat, d’ancians, e de personas que los afècten de malautiás grèvas”. A mai, çò apondèt Douhan, “las femnas en particular se veson fòrça afectadas” car en cas de crisi son las primièras a pèrdre lor emplec e riscan d’èsser raubadas pels trafegaires de personas que las esplecharián sexualament.
 
Per aquela rason, la raportaira a demandat als govèrns de païses que sancionan e a d’autres actors umanitaris que se concentren activament suls grops vulnerables dels païses afectats e que prengan en compte las consequéncias d’aquelas mesuras coercitivas e unilateralas sul dreches umans de las gents.
 
En plena pandemia, los Estats Units (EUA) son demest los actors internacionals qu’an durcida aquela politica en aumentant las sancions contra Veneçuèla, Cuba, Iran, Siria e d’autres.
 

Unilateral sanctions hurt all & especially women, children & other vulnerable groups within populations of targeted countries – UN expert @AlenaDouhan. She calls on States to lift or minimize unilateral sanctions & to facilitate humanitarian aid delivery: https://t.co/g0K1B5ArYjpic.twitter.com/G3g94Ze0ol

— UN Special Procedures (@UN_SPExperts) December 8, 2021