Actualitats
Nòva Caledònia: falsa acabada de l’Acòrdi de Nouméa
Lo “non” a l’independéncia s’es impausat dins un referendum marcat per l’abstencion e la non-participacion dels independentistas
Tèxte legit
En Nòva Caledònia, lo “non” a l’independéncia s’es impausat amb lo 96,49% dels vòtes dins un referendum marcat per una abstencion del 56,10% après que los independentistas cridèron a non i participar pas. Per garentir lo vòte, l’estat francés aviá mobilizat 1400 gendarmas, 250 militars, una centena de policièrs, 30 veïculs blindats, 150 veïculs leugièrs, 2 elicoptèrs e 1 avion. Una mobilizacion de recorses que fa venir evidenta la tension que se viu al país.
Dijòus passat, una delegacion dels partits independentistas, dirigida pel president del parlament local, Roch Wamytan, el metei acompanhat de membres del govèrn, denoncièron a l’Assemblada Generala de l’ÒNU a Nòva York que lo referendum aviá pas cap de legitimitat. Es fòrça probable, d’efièch, que la question demòre sens solucion après l’acabada de l’Acòrdi de Nouméa. Mai que mai se prenèm en compte que la majoritat independentista se refortiguèt entre lo primièr e lo segond referendum, e que la populacion canaca aumenta del temps qu’arriban de mens en mens d’europèus. Dempuèi las eleccions del 2 de febrièr passat, lo govèrn de la Nòva Caledònia a una majoritat independentista pel primièr còp.
De son latz, lo president francés, Emmanuel Macron, s’es congostat del resultat del referendum e mai n’aja reconegut lo naut nombre d’abstencions. “Los caledonians an fach la causida de França, la de l’unitat, la de la fisança. Ne soi plan fièr. Es a nosautres, ara, que nos cal contunhar de bastir aqueste destin comun que nòstres ainats an iniciat”.
De seguir l’evolucion de la situacion politica. Segon l’Acòrdi de Nouméa, après lo referendum l’estat francés deviá, en cas d’una victòria unionista, dobrir un periòde de 18 meses qu’establiguèsse l’estatut de la Nòva Caledònia dins l’estat. Ara los partits independentistas se son desmarcats d’aqueles tèrmes e, evidentament, refusan de reconéisser lo resultat del referendum del 12 de decembre. Ça que la, son partisans de tornar a la taula de negociacion.
La situacion politica es doncas ara imprevisibla dins un territòri marcat pendent longtemps pel colonialisme, per la division entre canacs e europèus e la violéncia entre faccions, e que s’èra mantengut en patz a partir d’acòrdis que desenant quitan de venir efectius.
Dijòus passat, una delegacion dels partits independentistas, dirigida pel president del parlament local, Roch Wamytan, el metei acompanhat de membres del govèrn, denoncièron a l’Assemblada Generala de l’ÒNU a Nòva York que lo referendum aviá pas cap de legitimitat. Es fòrça probable, d’efièch, que la question demòre sens solucion après l’acabada de l’Acòrdi de Nouméa. Mai que mai se prenèm en compte que la majoritat independentista se refortiguèt entre lo primièr e lo segond referendum, e que la populacion canaca aumenta del temps qu’arriban de mens en mens d’europèus. Dempuèi las eleccions del 2 de febrièr passat, lo govèrn de la Nòva Caledònia a una majoritat independentista pel primièr còp.
De son latz, lo president francés, Emmanuel Macron, s’es congostat del resultat del referendum e mai n’aja reconegut lo naut nombre d’abstencions. “Los caledonians an fach la causida de França, la de l’unitat, la de la fisança. Ne soi plan fièr. Es a nosautres, ara, que nos cal contunhar de bastir aqueste destin comun que nòstres ainats an iniciat”.
De seguir l’evolucion de la situacion politica. Segon l’Acòrdi de Nouméa, après lo referendum l’estat francés deviá, en cas d’una victòria unionista, dobrir un periòde de 18 meses qu’establiguèsse l’estatut de la Nòva Caledònia dins l’estat. Ara los partits independentistas se son desmarcats d’aqueles tèrmes e, evidentament, refusan de reconéisser lo resultat del referendum del 12 de decembre. Ça que la, son partisans de tornar a la taula de negociacion.
La situacion politica es doncas ara imprevisibla dins un territòri marcat pendent longtemps pel colonialisme, per la division entre canacs e europèus e la violéncia entre faccions, e que s’èra mantengut en patz a partir d’acòrdis que desenant quitan de venir efectius.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una mascarada !
Ara es vertat que se l'estat colonisaire èra pas l'estat francés... L''estat chinés espèra pas que lor daissen la plaça.
A la quita Australia li còsta de manténer Beijing a distància ! Alara Nòva Caledònia...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari