Actualitats
Nòva Caledònia: espèran lo renovelament del govèrn francés per “entamenar de convèrsas vertadièras”
Los independentistas reconeisson pas “la legitimitat ni la validitat” del referendum
Tèxte legit
Lo Comitat Estrategic Independentista de la Nòva Caledònia, qu’amassa los principals partits e sindicats sobeiranistas canacs, a anonciat que reconeissiá pas “la legitimitat ni la validitat” del referendum de dimenge passat, e qu’esperariá “lo renovelament del govèrn francés” per entamenar “de convèrsas vertadièras sus l’accès del país a sa sobeiranetat plena”, çò rapòrta Nationalia. Las eleccions legislativas francesas se tendràn lo mes de junh que ven, après l’eleccion presidenciala d’abril.
De son latz, lo govèrn francés vòl establir dins un relambi de 18 meses l’estatut de la Nòva Caledònia dins l’estat francés. Mas los independentistas reconeisson pas aquel calendièr.
La participacion del referendum de dimenge passat arribèt pas quitament a la mitat dels electors a causa de l’abstencion dels independentistas, en consequéncia de qué lo “non” a l’independéncia ganhèt amb lo 96,5% dels vòtes. En 2018, la participacion èra estada de l’81% e en 2020 del 85,7%. En 2020, i aguèt 71 533 vòtes favorables a l’independéncia, mas dimenge passat sonque 2775. Als burèus de vòte dels airals de majoritat independentista i anèt practicament degun.
“Una pantalonada francesa”
Per quant a el, lo partit Regions e Pòbles Solidaris a dich dins un comunicat que lo referendum de dimenge èra “una pantalonada francesa”. RPS assegura que “França es pas lèsta per descolonizar”. Dins aquel sens, lo comunicat, signat per Gustau Aliròl, ditz que “quin que siá lo resultat de l’eleccion presidenciala, se deurà desenant tornar prene” lo procès car “es als abitants de Canaquia-Nòva Caledònia, e solament a eles, de decidir l’avenir de l’archipèla.”
De son latz, lo govèrn francés vòl establir dins un relambi de 18 meses l’estatut de la Nòva Caledònia dins l’estat francés. Mas los independentistas reconeisson pas aquel calendièr.
La participacion del referendum de dimenge passat arribèt pas quitament a la mitat dels electors a causa de l’abstencion dels independentistas, en consequéncia de qué lo “non” a l’independéncia ganhèt amb lo 96,5% dels vòtes. En 2018, la participacion èra estada de l’81% e en 2020 del 85,7%. En 2020, i aguèt 71 533 vòtes favorables a l’independéncia, mas dimenge passat sonque 2775. Als burèus de vòte dels airals de majoritat independentista i anèt practicament degun.
“Una pantalonada francesa”
Per quant a el, lo partit Regions e Pòbles Solidaris a dich dins un comunicat que lo referendum de dimenge èra “una pantalonada francesa”. RPS assegura que “França es pas lèsta per descolonizar”. Dins aquel sens, lo comunicat, signat per Gustau Aliròl, ditz que “quin que siá lo resultat de l’eleccion presidenciala, se deurà desenant tornar prene” lo procès car “es als abitants de Canaquia-Nòva Caledònia, e solament a eles, de decidir l’avenir de l’archipèla.”
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vergogne à Neuve Calédoine
Lo problèma es pas l'especificitat d'aquel govèrn , son renovelament i cambiarà pas res. Lo problèma es l'essència colonialista, centralista e jacobina de l'Estat francès, quin que siague son govèrn. Considèra qu'aquela essència es son gèni grandàs e subrebèl. Per de "convèrsas vertadièras" , m'as comprès !
Entamenar de convèrsas vertadièras amb un govèrn francès ? Jà que la Republica Francimanda de Paris defend abans tot sos interesses perque perdria son temps ? Volia ganhar e a ganhat, emai foguèsse per entorlopa, alara "vive la République" e Paris serà totjorn Paris !
Sabi pas tròp s'èra una bona estrategia de la part dels independentistas... D’un autre costat quand vesi que lo govèrn de Paris se regaudís de la victòria dels sobeiranistas, me dobti que sèm dins un dialòg se sords, amb un rèiregost de colonialisme. Vesi pas cap de rason de se regaudir, lo referendum se poguèt pas far normalament, es un problèma dels grèus per una democracia que la volontat populara agèsse pas agut l’escasença de poder èsser exprimida per de vòtes. Mas saique soi ieu que m’engani sus çò qu’es una democracia, es lo govèrn francés qu’a rason de se regaudir quand un referendum se passa pas normalament... De tota manièra, pel moment, lo problèma es pas resolgut e caldrà, a un moment donat, tornar a la taula de negociacions, serà inevitable vist que los independentistas son nombroses e contunharàn lor lucha...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari