Lo tornado que traversèt la dimenjada passada cinc estats dels Estats Units a laissat sus son passatge un païsatge de desolacion sus de centenas de quilomètres e unes ochanta mòrts, dont sièis emplegats d’Amazon a Edwardsville (Illinois) que contunhavan de trabalhar en despièch de l’alèrta de tornados. Ara, lo Departament d’Emplec dels Estats Units a dobèrt una enquista per esclarzir cossí e perqué moriguèron aquestas sièis personas, e se se detècta de violacions de las nòrmas de seguretat o de negligéncias qu’ajan mes en perilh las vidas dels emplegats, i aurà de duras multas infligidas a Amazon.
 
La sòrre d’una de las victimas assegura qu’Amazon se preocupa mai de la productivitat que “de las vidas” de sos salariats. La maire d’una autra victima a dich a la television locala qu’aviá avertit son filh per telefòn mas que lo gojat preferiguèt de demorar per ajudar sos collègas.
 
De son caire, Amazon explica que demandèron als emplegats d’anar devèrs un refugi designat per passar lo tornado, mas qu’un pichon grop d’emplegats se refugièron dins un autre endrech que foguèt lo mai afectat. A mai, la societat a anonciat lo don d’un milion d’èuros per la reconstruccion d’Edwardsville.
 
Mentretant, dins Mayfield Consumer Products, una usina de candelas de Mayfield (Kentucky), moriguèron d’autras 8 personas. De salariats an denonciat a l’NBC que la direccion los menacèt d’èsser licenciats se quitavan l’usina. L’entrepresa rebuta aquelas acusacions e ditz que los daissèt pas partir pr’amor de lor seguretat.
 
 

The disaster calls into question some of Amazon's key business practices.

Only 7 of 190 people working at the facility were full-time staff.

Amazon’s dependence on contractors allows them to avoid liability for accidents and undercut union organizing.https://t.co/BHSMIa9SCQ

— More Perfect Union (@MorePerfectUS) December 13, 2021