Actualitats
Un nòu sit d’actualitats en occitan pels joves
Creat per l’Escòla Gaston Fèbus, Actu’joens es un portal d’informacions ont los quites joves n’escrivon los contenguts
Tèxte legit
Se ven de crear Actu’joens, un sit web d’actualitat en occitan pels joves ont eles n’escrivon los contenguts. Totòm i pòt participar, baste que se crèe un compte per escriure e postar un article.
Actu’joens es una iniciativa de l’Escòla Gaston Fèbus, s’es desvolopat amb una associacion e un collègi de Tolosa e es subvencionat per la region que ten lo nom d’Occitània.
E mai plangam totjorn la desaparicion d’un mèdia de referéncia coma La Setmana, nos congostam de la preséncia sul ret de mèdias de qualitat coma Aquò d’Aquí o Lo Diari, que seguisson la draia marcada pel Forum Occitània, per Nòvas d’Occitània e sustot per La Pòrta d’Òc. Esperam qu’Actu’joens capitarà plan e que poirem bastir d’acòrdis de collaboracion.
De vesitar actujoens.fr.
Actu’joens es una iniciativa de l’Escòla Gaston Fèbus, s’es desvolopat amb una associacion e un collègi de Tolosa e es subvencionat per la region que ten lo nom d’Occitània.
E mai plangam totjorn la desaparicion d’un mèdia de referéncia coma La Setmana, nos congostam de la preséncia sul ret de mèdias de qualitat coma Aquò d’Aquí o Lo Diari, que seguisson la draia marcada pel Forum Occitània, per Nòvas d’Occitània e sustot per La Pòrta d’Òc. Esperam qu’Actu’joens capitarà plan e que poirem bastir d’acòrdis de collaboracion.
De vesitar actujoens.fr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal multiplicar las iniciativas d'aquesta mena.
Veni de parlar amb ma cosina qu'es de mon temps (sèm pas plan joves, ailàs !) e qu'a totjorn dich "patoès". Comença de dire "occitan" e comença tanben de se mainar que se passan de causas malgrat l'omertà mediatico-politica. Es quitament al corrent de la reconeissença del picard per la region "Nord".
La capa de plomb comença de se fendasclar.
#3
Osca, encara una novela iniçiativa que va permetre de doblidar la mort de la setmana !! En esperat que quicom la remplaçara un dia !
#3
E tanplan los mens joves, encara pas completament vièlhs pr'aquò, nos regaudissèm de la creacion e de l'existéncia d'aquel nòu sit d'actualitats. Que los que l'an iniciat ne sián mercejats. E que dure.
Nosaltres los joves occitans se congostam per abansa a l'idèa d'un site d'actualitat per nos representar, òsca triplament
lo darrièr article publicat es de novembre...
pas trop frescas las actus...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari