Actualitats
Espanha: inquietanta manipòla politica e mediatica catalanofòba
Se compara los que defendon l’educacion immersiva en catalan amb l’apartheid, lo Ku Klux Klan, ÈTA e los nazis
Tèxte legit
Una escòla publica de Canet de Mar (Catalonha) es obligada per un tribunal de justícia de far, dempuèi l’8 de decembre passat, lo 25% de sos corses en espanhòl. Fins a aquel moment, la lenga espanhòla èra introducha dins l’ensenhament elementari, a partir dels 6 ans, mas ara es tanben al nivèl de l’escòla mairala que l’espanhòl es obligatòri. Lo denonciaire es lo paire d’un escolan de 5 ans, un candidat a l’eleccion municipala d’aquela vila pel partit espanholista Ciutadans. Exigís almens la mitat dels corses en castelhan, e per ara, la justícia a impausat preventivament un 25% de sesilhas en espanhòl en considerant responsabla de l’execucion de l’òrdre judiciari la direccion de l’establiment. Aquel fach a provocat la protèsta dels autres parents, de manifestacions de protèsta dins la vila e una granda manifestacion aqueste dissabte a Barcelona.
Catalanofobia dins los mèdias
Mentretant, se ten una campanha de catalanofobia dins los principals mèdias espanhòls ont l’afar de Canet de Mar es una de las nòvas màgers aquestes jorns. Qualques exemples:
Per i respondre, las familhas de l’escòla pertocada an publicat un comunicat per denonciar la manipulacion dels faches dins los mèdias.
Casado demanda que l’armada ane en Catalonha protegir los ispanofòns
L’afar es tanben arribat dins las cambras parlamentàrias. Dins lo Congrès dels Deputats espanhòl lo primièr ministre, Pedro Sánchez, a plangut que Ciutadans e lo Partit Popular banalizen l’apartheid en emplegant l’expression “apartheid lingüistic en Catalonha”. La presidenta de Ciutadans, Inés Arrimadas, a acusat Sánchez d’èsser “complice” d’aqueles catalans que “secutan d’un biais infame un enfant de 5 ans” del temps que Pablo Casado qualificava los catalanistas de “totalitaris”, comparava l’enfant de Canet de Mar amb Rosa Parks e demandava a Sánchez que mandèsse l’armada en Catalonha coma Kennedy la mandèt en Mississipi per que l’activista afroamerican James Meredith poguèsse intrar a l’universitat.
Lo Partit Popular de Catalonha a anonciat que sollicitariá una enquista de la comission de delictes d’òdi del Congrès dels Deputats espanhòl car “en Catalonha vòlon senhalar los que demandan d’estudiar en espanhòl coma los nazis senhalavan los josieus”.
Al Parlament de Catalonha, lo cap de Ciutadans a gausat comparar l’escòla en catalan amb ÈTA en evocant Miguel Ángel Blanco, tuat pels terroristas en 1997.
Pasmens, lo parlament catalan a aprovat una mocion presentada per la CUP que sollicita del govèrn de la Generalitat que garentisca l’immersion lingüistica en catalan e que n’assumisca la responsabilitat politica e juridica per protegir los responsables dels centres.
Catalanofobia dins los mèdias
Mentretant, se ten una campanha de catalanofobia dins los principals mèdias espanhòls ont l’afar de Canet de Mar es una de las nòvas màgers aquestes jorns. Qualques exemples:
— “La familha d’un enfant de Canet de Mar patís de menaças”, çò disiá Antena 3 del temps que parlan d’un “apartheid lingüistic” contra lo paure enfant ispanofòn.
— Telecinco assegura que i a una “campanha de secutament e menaças de l’independentisme contra un enfant de 5 ans e de sa familha pel fach que recep 6 oras de classa en castelhan”.
— Lo jornal El Mundo a publicat un editorial entitolat “De parents sens defensa que defendon la lei en Catalonha” ont s’assolida que los ispanofòns son menaçats per “una minoritat fanatizada que transforma sa ràbia en xenofobia lingüistica coma activisme identitari”.
— Lo jornal ABC entrevista la familha espanholista de Canet de Mar e soslinha que patirián “l’asirança, d’intimidacions, de menaças e l’estigmatizacion”.
— Telecinco assegura que i a una “campanha de secutament e menaças de l’independentisme contra un enfant de 5 ans e de sa familha pel fach que recep 6 oras de classa en castelhan”.
— Lo jornal El Mundo a publicat un editorial entitolat “De parents sens defensa que defendon la lei en Catalonha” ont s’assolida que los ispanofòns son menaçats per “una minoritat fanatizada que transforma sa ràbia en xenofobia lingüistica coma activisme identitari”.
— Lo jornal ABC entrevista la familha espanholista de Canet de Mar e soslinha que patirián “l’asirança, d’intimidacions, de menaças e l’estigmatizacion”.
Per i respondre, las familhas de l’escòla pertocada an publicat un comunicat per denonciar la manipulacion dels faches dins los mèdias.
Casado demanda que l’armada ane en Catalonha protegir los ispanofòns
L’afar es tanben arribat dins las cambras parlamentàrias. Dins lo Congrès dels Deputats espanhòl lo primièr ministre, Pedro Sánchez, a plangut que Ciutadans e lo Partit Popular banalizen l’apartheid en emplegant l’expression “apartheid lingüistic en Catalonha”. La presidenta de Ciutadans, Inés Arrimadas, a acusat Sánchez d’èsser “complice” d’aqueles catalans que “secutan d’un biais infame un enfant de 5 ans” del temps que Pablo Casado qualificava los catalanistas de “totalitaris”, comparava l’enfant de Canet de Mar amb Rosa Parks e demandava a Sánchez que mandèsse l’armada en Catalonha coma Kennedy la mandèt en Mississipi per que l’activista afroamerican James Meredith poguèsse intrar a l’universitat.
Lo Partit Popular de Catalonha a anonciat que sollicitariá una enquista de la comission de delictes d’òdi del Congrès dels Deputats espanhòl car “en Catalonha vòlon senhalar los que demandan d’estudiar en espanhòl coma los nazis senhalavan los josieus”.
Al Parlament de Catalonha, lo cap de Ciutadans a gausat comparar l’escòla en catalan amb ÈTA en evocant Miguel Ángel Blanco, tuat pels terroristas en 1997.
Pasmens, lo parlament catalan a aprovat una mocion presentada per la CUP que sollicita del govèrn de la Generalitat que garentisca l’immersion lingüistica en catalan e que n’assumisca la responsabilitat politica e juridica per protegir los responsables dels centres.
Cal començar a posar querelles davant d'aquestes mentides contra l'escola catalana. L'odi no pot quedar impune. Això que ha dit Casado és un escàndol.
— Joan Mangues (@jmangues) December 17, 2021
"Hay profesores con instrucciones para no dejar ir al baño a niños si hablan castellano. Les meten piedras en las mochilas" pic.twitter.com/wEMIvMJMct
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 L'òme que sabiá pas faire una frasa sens lo mot « fascista »...
Es pas lo primièr còp que los espanholistas utilizan un dròlle, 1 dròlle sus totes los de l'escòla, per impausar lo castelhan majoritari dins las escòlas catalanas.
Perqué o demandan pas pels establiments franceses, angleses, alemands e italians de Madrid e qualques grandas vilas d'Espanha que los dròlles i an sonque entre 2 e 4 oras de castelhan ?
Per çò que qualques uns d'aqueles refastinhoses an lors pròpris enfants dins aqueles establiments. Dins las annadas 80, lo quite ministre d'educacion, sénher Maravall, sos enfants estudiavan al licèu francés de Madrid. Jamai demandèt d'augmentar las oras de castelhan.
Dins los programas del PP, Un biais de redusir al maximum las lengas autras que lo castelhan es de voler far un tèrç en anglés, un tèrç en castelhan, un tèrç en catalan, euskera o galhèc.
La batèsta de l'escòla de Canet es vitala pel catalan, per las lengas d'Espanha e per la quita democracia.
Aqueste comportament castelhanista, de natura manifèstament fascista, non pròva qu'una causa : los independentistas avián,an e auràn desesperadament rason de sosténer e promòure l'independentisme catalan. Lo supremacisme, que siá castelhan o francés, es la poison mortala que ne pòdon traanuqillament crebar totes los pòbles a l'entorn. Basta, per se'n convéncer, de fintar un pauc del costat de Perpinhan — que lo supremacisme francés i règna despuèi quatre sègles — per mesurar lo gra de catalanofonia per carrièra, puèi de lo comparar amb lo de Lleida o de Gerona, ciutats catalanas vesinas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari