CAPÇALERA PAIS INVISIBLE

Actualitats

EscòlaPolitica

Lo govèrn francés a publicat una circulara que garentís l’ensenhament immersiu de l’occitan e las autras lengas minorizadas

Molac s’engatja a ne seguir l’aplicacion pels rectorats e avertís que sola una reforma de la Constitucion pòt garentir l’immersion

| Pour que vivent nos langues

Tèxte legit

Lo Ministèri de l’Educacion francés publiquèt dijòus una circulara que garentís l’ensenhament immersiu en las lengas autoctònas de l’estat autras que lo francés, tant dins l’educacion publica coma dins las escòlas associativas.
 
La circulara especifica que las lengas minorizadas, que lor dison “regionalas”, se pòdon utilizar dins l’ensenhament public dempuèi la mairala fins al licèu “dins l’encastre dels oraris abituals dels escolans”.
 
Lo deputat breton Paul Molac, impulsor d’una lei de proteccion e promocion d’aquelas lengas, a celebrada la decision del govèrn francés, mas a remarcat que l’immersion pòt solament èsser garentida se i a una reforma de la Constitucion francesa. Ara, Molac s’engatja desenant a seguir l’aplicacion pels rectorats.
 
 
Primièra reconeissença de l’arpitan
 
Lo document especifica quinas son aquelas lengas, en tot reconéisser pel primièr còp l’arpitan (o francoprovençal). Èra una revendicacion de fa d’annadas. Fins ara, los candidats en francoprovençal al bachelierat èran obligats de se marcar en occitan. Tanben se reconeis, en domeni d’oïl, lo picard e, coma varianta del neerlandés, lo flamenc occidental.
 
Concretament, la circulara ditz: “Aquel ensenhament s’aplica al basco, al breton, al catalan, al còrs, al creòl, al galò, a l’occitan-lenga d’òc, a las lengas regionalas d’Alsàcia, a las lengas regionalas dels païses moselans, al francoprovençal, al flamenc occidental, al picard, al tahitian, a las lengas melanesianas (drehu, nengone, paicî, ajië), al wallisian, al futunian, al kibushi e al shimaoré.


 
 
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Alen du Chablês
9.

Ouè por nos arpetans o est na granta victouère. Mas nos ens pèrdu 30 ans por formar des règents, ora la situacion est franc critica.
Ôtrament la circulèra mè parêt pas verément sotegnir l'ensègnement a plongiê, el rapèle pletout la posicion du Consèly constitucionèl que lui est hostilo, a côsa de l'articllo doux de la constitucion.

  • 2
  • 0
Missara
8.

Puta ! Aquel Macron a las espèrras es vertadièrament prèst a TOT per gardar lo poder. Marcharà pas. Quina que siague la resulta, dins un cas coma dins l'autre, marcharà pas.

  • 5
  • 0
Jojo
7.

#4 Que t'avem arreconegut Peiroton!

  • 6
  • 0
Armanhac
6.

#5 Aquesta circulària garantís pas res per res, autoriza sense balhar ni mejans, ni obligacions. Los caps d'establiments faràn donc non solament çò que pòdon, donc, e, mai que mai, sonque se o vòlon. Un miralh de las lausetas, un de mai… Nos vòlon muts.Nos vòlon mòrts culturalement, lingüisticament, ni mai, ni mens. Tot çò que prepausan val sonque per ondrar la veirina e amagar la misèria de l'exterminacion "en marche"…

  • 10
  • 1
Fèbus
5.

La circulara ne garanteish pas l'ensenhament immersiu en occitan mès sonque l'ensenhament de l'occitan coma lenga e l'ensenhament bilingüe en francés+occitan.

  • 15
  • 0

Escriu un comentari sus aqueste article