Polemica en Senegal après los prepauses d’Amina Badiane, presidenta del comitat d’organizacion de Miss Senegal, per aver justificat lo viòl. “Se te viòlan, es que tu l’as cercat”, çò diguèt a prepaus de la denóncia de viòl de la ganhaira de l’an passat.
 
Miss Senegal 2020, Ndèye Fatima Dione,  la violèron après son eleccion. Dins sos 20 ans, foguèt drogada e violada durant un dels viatges del comitat. D’aquel viòl ne nasquèt un enfanton, mas ela non gausa pas dire qual n’es lo paire.
 
En seguida, Amina Badiane justifiquèt aquel viòl sul mèdia senegalés Dakarbuzz TV. “Ela es majora. Basta que faga sa denóncia. Un viòl implica doas personas”, çò diguèt.
 
Las paraulas de Badiane, que tanben foguèt manequin, an indignat de collectius feministas del país que l’an denonciada per aver fach l'apologia del viòl e per proxenetisme. Mai de 300 personas a títol individual an depausat, esglasiadas, de denóncias contra Badiane, qu’ara a demandat excusa per sos prepauses.
 

Non a l'apologie du viol!
Le viol est un crime.#JusticePourMissSénégal2020#Dafadoy#JusticePourFatimapic.twitter.com/04X5ecSlNz

— #DAFADOY COLLECTIF CONTRE LES VIOLENCES (@dafadoy) November 19, 2021

Bonjour M. Le Président @Macky_Sall
Cette femme qui fait l'apologie du viol est toujours en liberté alors qu'elle dirige le comité d'organisation Miss Sénégal dont l'une des lauréates déclare avoir été abusé.#MeToo#JusticePourFatima#balancetonporc#Senegal@MinisteredelaS1pic.twitter.com/9BmxY9BHzI

— Femmes Sénégalaises (@FemmesSenegal) November 19, 2021

#MissSénégal2020#FatimaDione#JusticePourMissSénégal2020#JusticePourFatima#JusticePourFatimaDionepic.twitter.com/BQ0kNdwOkY

— Carolina (@Carolicen) November 22, 2021