Actualitats
Les: que s’alugarà aué era Soca de Nadau
En tota Occitània ei tradicionau d’alugar huecs enes solsticis d’estiu e d’iuèrn
Tèxte legit
Eth poble de Les (Quate Lòcs) qu’alugarà aué era Soca de Nadau. Maugrat es restriccions a causa dera situacion sanitària, eth hèt qu’er eveniment sigue a plen aire ac permeterà de hèr, çò confirmèc dimèrcles a Jornalet eth baile de Les, Andreu Cortes Labrid. Totun, non se poderà repartir chicolate e calerà observar es mesures sanitàries. Era soca s’alugue entàs 19h; e dempús dera missa deth poth, a mièjanet, era gent deth pòble hestejaràn Nadau ar entorn dera soca.
“Hèm aguesta hèsta damb era vista metuda enes esséncies tradicionaus mès en tot crear quauquarren de nau.
Abans deth solstici d’iuèrn se netejauen es humenèges, e damb eth nau larèr net se cremaue era soca de Nadau en tot cambiar de cicle. Eth solstici d’iuèrn ei eth cap d’an lunar, e calie mantier era soca alugada enquiath cap d’an solar.
Eth huec deth Haro —peth solstici d’estiu— ei mès d’ahlama, deth temps qu’eth dera soca de Nadau —peth solstici d’iuèrn— ei mès de brasa e de caliu.
Eth cap de casa escuelhie era part baisha d’un tronc miei enterrada entà qu’aguesse era esséncia dera Natura. Un còp assecada pendent tot er an, se cremaue era net de Nadau en tot hèr-i damb era destrau ua crotz, o tantes crotzes coma membres auie era familha”
En tota Occitània ei tradicionau d’alugar huecs enes solsticis d’estiu e d’iuèrn. Es huecs de Nadau s’alugaràn aguest ser e demoraràn en tot hèr brasa aumens enquia Cap d’An. Aquera tradicion a fòrça nòms e variantes “Halha de Nadau”, “Cachafuòc”, “Torrèla” o “Soca de Nadau”. Aguesta tradicion la trapam tanben en d’auti païsi coma Aragon (Tronca de Nadal) o Catalonha (Tió de Nadal). Enes sues origines ère ua soca de perèr, d’olivèr o de ceridèr, e se cremaue enes larèrs des cases quan èren plan grani. Actuaument, se crème en carrèrs es places e se’n hè ua hèsta populara. En Catalonha, ac hèn enes cases damb ua soca mès petita e sense cremar-la, mès qu’arrebremben eth hèt de picar era soca damb un balhon tà hèr brasa.
FM
Les qu’arrecuperèc aquera tradicion gràcies ath trabalh der escrivan aranés Jèp de Montoya, que mo’n parlèc:
“Hèm aguesta hèsta damb era vista metuda enes esséncies tradicionaus mès en tot crear quauquarren de nau.
Abans deth solstici d’iuèrn se netejauen es humenèges, e damb eth nau larèr net se cremaue era soca de Nadau en tot cambiar de cicle. Eth solstici d’iuèrn ei eth cap d’an lunar, e calie mantier era soca alugada enquiath cap d’an solar.
Eth huec deth Haro —peth solstici d’estiu— ei mès d’ahlama, deth temps qu’eth dera soca de Nadau —peth solstici d’iuèrn— ei mès de brasa e de caliu.
Eth cap de casa escuelhie era part baisha d’un tronc miei enterrada entà qu’aguesse era esséncia dera Natura. Un còp assecada pendent tot er an, se cremaue era net de Nadau en tot hèr-i damb era destrau ua crotz, o tantes crotzes coma membres auie era familha”
En tota Occitània ei tradicionau d’alugar huecs enes solsticis d’estiu e d’iuèrn. Es huecs de Nadau s’alugaràn aguest ser e demoraràn en tot hèr brasa aumens enquia Cap d’An. Aquera tradicion a fòrça nòms e variantes “Halha de Nadau”, “Cachafuòc”, “Torrèla” o “Soca de Nadau”. Aguesta tradicion la trapam tanben en d’auti païsi coma Aragon (Tronca de Nadal) o Catalonha (Tió de Nadal). Enes sues origines ère ua soca de perèr, d’olivèr o de ceridèr, e se cremaue enes larèrs des cases quan èren plan grani. Actuaument, se crème en carrèrs es places e se’n hè ua hèsta populara. En Catalonha, ac hèn enes cases damb ua soca mès petita e sense cremar-la, mès qu’arrebremben eth hèt de picar era soca damb un balhon tà hèr brasa.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari