Actualitats
Sud-Africa: casuda verticala de las infeccions d’omicron
Dimècres passat, s'enregistrava 15 000 nòus cases, del temps qu’una setmana abans se’n comptava mai de 35 000
Tèxte legit
Las infeccions de la varianta omicron en Sudafrica son en casuda liura. Lo primièr país del Mond qu'enregistrèt de centenats de cases d’aquela varianta del SARS-CoV-2 obsèrva ara un considerable melhorament, tres setmanas après l’espelida de la varianta.
L’epidemiològ sud-african Salim Abdool Karim, una de las principalas autoritats del país per la covid-19, remarca que las infeccions davalan amb la meteissa rapiditat que pogèron, çò rapòrta The Washington Post.
Los cambiaments son arribats fòrça lèu. La setmana passada, lo ritme d’infeccions cessava pas de pojar, mas a la debuta d’aquesta setmana comencèt de davalar. Per exemple, dimècres passat s'enregistrava 15 000 nòus cases, del temps qu’una setmana abans se’n comptava mai de 35 000.
Per Salim Abdool Karim, aquela dinamica se poiriá reproduire dins los autres païses del Mond: “Çò que vesèm en Sud-Africa, almens provisòriament, deuriá èsser una bona nòva per totòm.” Totun, precisa tanben que lo 70% dels sud-africans èran estats anteriorament infectats de quaque autra varianta d’aquel coronavirus, çò que lor a portat mai de defensas contra omicron.
L’epidemiològ sud-african Salim Abdool Karim, una de las principalas autoritats del país per la covid-19, remarca que las infeccions davalan amb la meteissa rapiditat que pogèron, çò rapòrta The Washington Post.
Los cambiaments son arribats fòrça lèu. La setmana passada, lo ritme d’infeccions cessava pas de pojar, mas a la debuta d’aquesta setmana comencèt de davalar. Per exemple, dimècres passat s'enregistrava 15 000 nòus cases, del temps qu’una setmana abans se’n comptava mai de 35 000.
Per Salim Abdool Karim, aquela dinamica se poiriá reproduire dins los autres païses del Mond: “Çò que vesèm en Sud-Africa, almens provisòriament, deuriá èsser una bona nòva per totòm.” Totun, precisa tanben que lo 70% dels sud-africans èran estats anteriorament infectats de quaque autra varianta d’aquel coronavirus, çò que lor a portat mai de defensas contra omicron.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La pandèmia és favorable als interessos xinesos: supressió de l'autonomia de Hong Kong, cop d'estat a Birmània, instauració d'un govern proxinès a l'Afganistan, amenaces sobre Taiwan...
Los faits presentats son plan interessents. lor explicacion scientifica o seriá mai encara… Perqué una casuda aital ? 70 % dels sud-africans èran estats anteriorament infectats. E alara ? 80% dels europèus son estats anteriorament vaccinats ! Immunologicament, ont es la diferéncia, ja que los vaccins non èra previstes per aquesta varianta, e que los infectats non o èran estats per aquesta varianta ? Los faits son los faits, mas las explicacions, per l'ora, mancan. Las mesuras sanitàrias devon aver jogat un ròtle consequent. Mas quinas mesuras, exactament ?
Totun ua bona novèla per çò qui ei d'aquesta varianta Omicron !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari