Actualitats
Francimàndia presenta uèi lo vaccin definitiu contra lo SARS-CoV-2
L’o-Macron es estat fait en un temps recòrd e es estat ensajat unicament en d'umans caledonians
Aqueste ser, al palai de l’Elisi, lo president-emperaire francimandés farà conéisser a totes los sieus subjèctes e als ciutadans de la planeta lo remèdi de tot en tot definitiu que lo ven de crear l’engenhariá farmacologica francimandesa per combatre per tostemps lo coronavirus, tant la novèla varianta omicron, la pus contagiosa, coma totas las autras avenidoiras fins a l’omèga, amb lo supervaccin o-Macron.
L’o-Macron, que serà administrat, obligatòriament, a totes los ciutadans exagonals sens excepcion (gascons e bascos del nòrd incluses), es estat fait en un temps recòrd e es estat ensajat unicament en d'umans caledonians amb d’efièits segondaris que, per ara , son secret d’estat. Malgrat aquò, Jornalet a descobèrt que l’o-Macron conten de nautas dòsis de niquèl que pòden congrear d'afasia en los locutors de lengas que sián pas lo francimandés.
XGR
L’o-Macron, que serà administrat, obligatòriament, a totes los ciutadans exagonals sens excepcion (gascons e bascos del nòrd incluses), es estat fait en un temps recòrd e es estat ensajat unicament en d'umans caledonians amb d’efièits segondaris que, per ara , son secret d’estat. Malgrat aquò, Jornalet a descobèrt que l’o-Macron conten de nautas dòsis de niquèl que pòden congrear d'afasia en los locutors de lengas que sián pas lo francimandés.
XGR
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 Cal pas quichar ! Pas pus que lo primièr d'abril seria una sornaruda "importacion francimanda" , decembre es pas tanpauc un francisme ! Quand a Loïs Alibert, aquel a jamai dich que calia remplaçar l'occitan per de catalan. Ni que calia s'emplegar a far creire que de costumas caracteristicas de l'airal peninsulari iberic coma lo jorn dels inocents a la plaça del primièr d'abril serian tanben especificament occitanas.
Prenètz-nos pas per d'arlèris, aquel jorn dels inocents que tenètz tant e tant a nos faire encapar coma occitan se festèja dins la Val d'Aran perque se trapa que la Val d'Aran es geograficament, politicament e administrativament dins l'airal cultural ispanic, e o-sabètz plan !
#13 que ne pensatz de la posicion sul sicut d'ALIBERT que declarèt que la referérencia per l'occitan es lo catalan ( e pas lo francés) ?
#8 En occitan estandard, segon lo DGLO, "Décembre" se ditz "Decembre" e non pas autrament. Après, coma de costuma, disètz coma volètz, e la sola referéncia fixa e fèrma demorarà lo francés.
#9 segon las inicialas signant l'article, sembla que siá lo poeta aranés Xavier Gutiérrez Riu que l'a escrich.
A la vath d'Aran' se festeja lo jorn dels Innocents e pas lo 1er d'abril coma a França, Es doncas normal que lo poeta occitan aranés faga lo 28 de desembre, aquel article umoristic e se trufa del president francés e de tots los francimans. Los comentaristas an pas vist aquela clinhada, condicionats que son per la seua vision culturala francimanda. An pres a la letra lo tèxte de XGR, sens ne véser l'aspècte trufandier.
Aran es Occitània e quitament lo parçan que fa lo mai per la lenga nòstra.
#8 Oc, idem que la famosa "botgèta" integralament copiada sus la catalana "butxaca" ? Puta, es saique pas en catalanizant l'occitan que sauvarètz la lenga !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari