Actualitats
Es mòrt Desmond Tutu, icòna de la lucha contra l’apartheid
L’archevesque anglican sud-african aviá consagrat sa vida a combatre la pauretat, lo racisme, lo sexisme e l’omofobia
Tèxte legit
L’archevesque anglican sud-african Desmond Tutu moriguèt aqueste dimenge dins sos 90 ans a Ciutat del Cap, çò a raportat lo govèrn sud-african. Tutu serà totjorn restacat a la lucha pacifista contra l’apartheid pendent los ans 1980, una causa que li valguèt lo prèmi Nobel de la patz en 1984.
Amb la fin de l’apartheid, foguèt nomenat director de la Comission de la Vertat e de la Reconciliacion, creada per Nelson Mandela, alavetz al començament de sa presidéncia. Puèi, Tutu vendriá conegut per sa defensa dels dreches umans sus tota la planeta en s’engatjant activament dins la lucha contra la sida, la tuberculòsi, la pauretat, lo racisme, lo sexisme e l’omofobia.
Tanben la Generalitat de Catalonha li autregèt en 2014 lo prèmi internacional Catalonha per “sa vigorosa e constanta lucha per la justícia sociala e lo melhorament de las condicions dels oprimits, amb una integritat, un coratge e una capacitat excepcionala”. En aquela escasença, sostenguèt lo drech d’autodeterminacion del pòble catalan.
De soslinhar sas paraulas: “Se sès nèutra en temps d’injustícia, as causit lo costat de l’opressor”.
Amb la fin de l’apartheid, foguèt nomenat director de la Comission de la Vertat e de la Reconciliacion, creada per Nelson Mandela, alavetz al començament de sa presidéncia. Puèi, Tutu vendriá conegut per sa defensa dels dreches umans sus tota la planeta en s’engatjant activament dins la lucha contra la sida, la tuberculòsi, la pauretat, lo racisme, lo sexisme e l’omofobia.
Tanben la Generalitat de Catalonha li autregèt en 2014 lo prèmi internacional Catalonha per “sa vigorosa e constanta lucha per la justícia sociala e lo melhorament de las condicions dels oprimits, amb una integritat, un coratge e una capacitat excepcionala”. En aquela escasença, sostenguèt lo drech d’autodeterminacion del pòble catalan.
De soslinhar sas paraulas: “Se sès nèutra en temps d’injustícia, as causit lo costat de l’opressor”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari