Actualitats
Una classa bilingüa occitan-francés se crearà a la rintrada de 2013 a Niça
La direccion academica dels servicis departamentals de l’Éducation Nationale (educacion estatala francesa) a donat lo sieu acòrdi: una classa bilingüa occitan-francés se dobrirà a la rintrada de setembre de 2013. Segon d’informacions del jornal niçard Nice Matin, la classa bilingüa serà a l’escòla mairala Lu Aurangiers, plaçada al numèro 86 del Baloard dau Papa Joan XXIII, dins lo quartièr de Sant Ròc.
La classa se debanarà segon dos nivèls d’ensenhament: petita e mejana seccion, mas lo nombre de plaças se limita a 29 escolans.
Segon l’associacion Parlem-Òc Bi de la Comtat de Niça, 15 enfants son ja inscriches.
Informacions al +33 (0)4 97 13 29 35 o per e-mail a michele.ciminato@ville-nice.fr.
La version en linha de Nice Matin publicava aquestas informacions diluns passat, e gràcias als comentaris dels legeires, podèm remarcar que l’iniciativa a agut un bon aculhiment per la societat niçarda, que voldriá mai de preséncia encara de l’occitan niçard dins l’ensenhament e dins la vida vidanta en general.
La classa se debanarà segon dos nivèls d’ensenhament: petita e mejana seccion, mas lo nombre de plaças se limita a 29 escolans.
Segon l’associacion Parlem-Òc Bi de la Comtat de Niça, 15 enfants son ja inscriches.
Informacions al +33 (0)4 97 13 29 35 o per e-mail a michele.ciminato@ville-nice.fr.
La version en linha de Nice Matin publicava aquestas informacions diluns passat, e gràcias als comentaris dels legeires, podèm remarcar que l’iniciativa a agut un bon aculhiment per la societat niçarda, que voldriá mai de preséncia encara de l’occitan niçard dins l’ensenhament e dins la vida vidanta en general.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari