Actualitats
Alsàcia entamena una consulta non constrenhenta sus sa possibla sortida de la region Grand Èst
Lo president alsacian vòl introduire la question dins la campanha de la presidenciala francesa
Tèxte legit
La Collectivitat Europèa d’Alsàcia a entamenada una consulta non constrenhenta que demanda als ciutadans se lo país de la riba esquèrra de Ren deu abandonar la region dicha Grand Èst e “èsser tornarmai una region de plen drech”.
Lo president de la Collectivitat, Frédéric Bierry, s’es engatjat a portar a “totes los candidats” a la presidéncia de França la peticion qu’Alsàcia tòrne èsser una region oficiala se sos abitants o sostenon a la consulta. Lo vòte se clavarà lo 15 de febrièr de 2022. L’eleccions presidenciala es prevista en abril.
Alsàcia foguèt una region administrativa fins al 1r de genièr de 2016, quand foguèt amalgamada amb Champanha-Ardena e Lorena per formar la region dicha Grand Èst, a partir de la lei NOTRe, aprovada per l’Assemblada Nacionala francesa.
La decision foguèt impopulara en Alsàcia e en 2019 los conselhs departamentals del Bas Ren e del Naut Ren aprovèron la creacion de la Collectivitat Europèa d’Alsàcia, que lo 1r de genièr de 2021 assumiguèt las competéncias dels dos departaments e ne recebèt qualqu’una d’addicionala. Totun, la collectivitat a mens competéncias e de ressorsas qu’una region, e demòra dins la region Grand Èst.
Segon un sondatge, lo 68% dels alsacians vòlon recobrar lor region e abandonar lo Grand Èst. Bierry a la meteissa opinion.
Segon l’informacion que la Collectivitat a publicat sul sit web de la consulta, recobrar una region pròpria significariá “acercar las decisions dels abitants”, “l’assegurança que l’argent dels impòstes dels alsacians va ben als projèctes que los pertòcan”, “simplificar la vida dels alsacians” e dispausar d’una region que “correspond a lors istòria, geografia e identitat”.
Aquesta nòva es adaptada de Nationalia, amb qui Jornalet ten un acòrdi de cooperacion.
Lo president de la Collectivitat, Frédéric Bierry, s’es engatjat a portar a “totes los candidats” a la presidéncia de França la peticion qu’Alsàcia tòrne èsser una region oficiala se sos abitants o sostenon a la consulta. Lo vòte se clavarà lo 15 de febrièr de 2022. L’eleccions presidenciala es prevista en abril.
Alsàcia foguèt una region administrativa fins al 1r de genièr de 2016, quand foguèt amalgamada amb Champanha-Ardena e Lorena per formar la region dicha Grand Èst, a partir de la lei NOTRe, aprovada per l’Assemblada Nacionala francesa.
La decision foguèt impopulara en Alsàcia e en 2019 los conselhs departamentals del Bas Ren e del Naut Ren aprovèron la creacion de la Collectivitat Europèa d’Alsàcia, que lo 1r de genièr de 2021 assumiguèt las competéncias dels dos departaments e ne recebèt qualqu’una d’addicionala. Totun, la collectivitat a mens competéncias e de ressorsas qu’una region, e demòra dins la region Grand Èst.
Segon un sondatge, lo 68% dels alsacians vòlon recobrar lor region e abandonar lo Grand Èst. Bierry a la meteissa opinion.
Segon l’informacion que la Collectivitat a publicat sul sit web de la consulta, recobrar una region pròpria significariá “acercar las decisions dels abitants”, “l’assegurança que l’argent dels impòstes dels alsacians va ben als projèctes que los pertòcan”, “simplificar la vida dels alsacians” e dispausar d’una region que “correspond a lors istòria, geografia e identitat”.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La mesa a disposicion d'una version àudio es una plan bona iniciativa. Òsca per aquel trabalh suplementari.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari